Onun əsl adı hər nədirsə, T hərfi ilə başlayır. Məlum səbəblərdən əsl adını yazmırıq. Dünyaya oğlan kimi gəlsə də, orta məktəb illərindən özünü qız kimi hiss etdiyini və davrandığını deyir. Odur ki, orta məktəbi bitirən kimi ali məktəbə sənət vermir və tez-tez evə gəlməməyə, dostları ilə deyil, "rəfiqələri" ilə əyləncələrə getməyə başlayır. "Rəfiqələri" də onun kimi dünyaya oğlan kimi göz açsa da, sonradan özlərini qız kimi aparanlardan idi. Və onların öz dünyası, öz əhatə dairəsi vardı. Beləliklə, qəhrəmanımız T də bir gün bu əhatəyə o qədər aludə olur ki, evini, ailəsini, doğmalarını unudub öz həyatını qurmağa başlayır.


Ailem.az-ın məlumatına görə, T özünə yeni ad da tapmalı olub - Türkan Mustafazadə. Yaşı 25-ə çatır. Az qalıb… 25 ilin yarısını oğlan, yarısını qız kimi yaşadığını deyir. Və bir gün oturub fikirləşir ki, bundan sonra geriyə dönüb kişi kimi yaşaya bilməyəcək. Nə də tamamilə qadın kimi yaşamaq mümkün deyil. T çox düşünüb daşındıqdan sonra Türkan adını qəbul etməklə yanaşı, həm də yerli-dibli qadın olmaq qərarına gəlir. Və olur da. Bu barədə az sonra…


Əvvəlcə ondan başlayaq ki, Türkanla tanışlığımız "Moy mir" sosial şəbəkəsində baş tutdu. Qadın paltarında çəkdirdiyi fotoları görüncə düşündüm ki, yəqin, kobud bədənli bir qadındır, sadəcə özünü göstərməyə çalışır. Amma fotolarına diqqətlə baxdıqda məlum oldu ki, sifət çizgilərindən kişiyə də oxşarlığı var. Fotolarda özünü nə qədər qadına bənzətməyə çalışsa da, qadın paltarı geyinib əzalarını nümayiş etdirsə də, kişi bədəni, kişi sifəti dərhal hiss olunur. Amma o, yenə də barmaqlarına üzüklər taxır, saçını uzadır, parik qoyur, al-qırmızı geyinir. Yəni, bu fotolar bir daha göstərir ki, Türkan çox ciddi cəhdlə qadına bənzəməyə çalışır. Görəsən, niyə? Onunla salam-sağ ol dan dərhal sonra maraqlandım ki, kişisən, yoxsa qadın? Bu paltarda kişilərə nə kimi xidmətlər göstərə bilirsən? Cavabı qısa və konkret oldu: "Hər tərəfli. Super seks".
Təəccübləndim. Necə yəni hər tərəfli? Axı sən bu dünyaya kişi kimi gəlmisən. Bunu necə başa düşək? Türkan dərhal cavab verdi ki, artıq kişi deyiləm, qadın olmuşam. Lazım olan əzalarını dəyişdiyini deyəndən sonra əlavə etdi ki, düzdür, üzdən hələ də kişiyə oxşayır. Amma cinsi orqanların əməliyyatı tam başa çatıb qadın olandan sonra sifətində də əməliyyatlar etdirəcək. Yəni, onun deməyindən belə çıxdı ki, qalan ömrünü süni şəkildə yaradılmış qadın kimi yaşamaq istəyir.


Türkanla may ayında baş tutan söhbətimiz iki aya yaxın davam etdi. O, Türkiyənin İstanbul şəhərində əməliyyat olunduğunu dedi. Sonrakı danışıqlarda əlavə etdi ki, əməliyyat uğurla başa çatıb. O, artıq tamamilə qadın olub. Hətta, onu əməliyyat edən professor elə bir iş görüb ki, Türkan bakirə qız olub: "Əməliyyatdan sonra mənə qadın cinsi orqanı qoyulub. Daha kişi deyiləm. Sonra qayıdıb yenə də İstanbulda üzümü əməliyyat etdirib tamamilə qadın olacam. İstəyirəm, üzüm, sinəm qadınlardakı kimi olsun. İstanbulda əməliyyatdan sonra bakirəliyimi Bakıda mənə sponsorluq edən tanınmış biznesmenə verəcəm. Mənə pulu o, buraxır, o da bakirə qızla əlaqədə olmaq istəyir. Əməliyyatdan sonra superəm. Özü də mənə elə gözəl qadın orqanı qoyublar ki, qızlardan da gözəldi. İndi Türkiyədə çox qızlar məni əməliyyat edən professora yalvarır ki, bizim də cinsi orqanımızı belə gözəl elə".


Türkan mayın 27-də mənə yazmışdı ki, əməliyyat uğurla keçsə də, həkimlər ona cinsi əlaqəyə girməyə icazə vermirlər: "Həkim deyir ki, 25 gün keçməlidir, ondan sonra bakirəlik pozula bilər. Çünki qızlıq pərdəsi qalındır və qanaxma ehtimalı güclüdür. Ona görə də ilk seks İstanbulda olmalıdır. Mənə bu əməliyyat üçün Bakıda pul buraxan oğlan İstanbula gələcək ki, onunla yaxınlıq edək. Mən onunla görüşəndən sonra oturub fikirləşib qərar verəcəm kiminlə yaxınlıq etmək olar, kiminlə olmaz. Özü də əvvəlkindən daha yaxşı pulla görüşəcəm. Əvvəl 50 manata çıxırdım. Amma bütün əməliyyatları keçib üzümü də dəyişəndən sonra Bakıya qayıdanda fikirləşirəm ki, saatı 100 manata görüşüm. Hələ bir əməliyyatım da qalıb. Üzümü də tam və yeni super əməliyyat etdirməliyəm".


Ondan sonra Türkanı şübhələndirməmək üçün onunla Bakıda görüşmək istədiyimi deyib qadın kimi nələr hiss etdiyini soruşdum. Amma dəqiq bir söz demədi. Bir müddət danışa bilmədik. Hər dəfə yadımdan çıxırdı ona yazmaq. Onunla bütün danışıqlarımızı "kopiyalayıb" saxlayırdım ki, bir yazı yazım. Sonra necə oldusa, mən ona şübhəli suallar verdim və Türkan susmağa başladı. Deyəsən, məndən şübhələnirdi.


Axırıncı dəfə iyulun 30-da danışdıq. Salamımı aldı və yazdığı sonuncu cümlə bu oldu: "Salam. Yaxşıyam canım, sən necəsən? İstanbuldayam, ona görə də, vaxtım olanda girirəm bura" ("Moy mir"i nəzərdə tutur).


Bununla da, Türkanla söhbətimiz dayanmış oldu. İstəyirəm yenə nəsə yazıb hal-əhval tutam. Amma inanmıram ki, bu yazıdan sonra cavab versin.


Bəli, Türkan 13 il bundan əvvəl adının baş hərfi T ilə başlayan yeniyetmə oğlan idi. İndi isə ondan əsər-əlamət qalmayıb. Bakıda anadan olub, burada böyüyüb. Və yəqin ki, hazırda Bakıda qadın kimi "iş başındadır". Saatı isə 100 manat...

Bəs görəsən valideynləri belə övladları olduğuna görə hansı hissləri keçirirlər? Əgər hələ də həyatdadırlarsa...