Britaniyada itlər üçün sığınacağa gətirilən it hamını şoka salıb. Onun qarnından düz 3 ədəd qadın alt paltarı çıxıb. “Irish Independent”in yazdığına görə, baytar Sema Barli itin özünü narahat aparmasından şübhələnib və onu rentgenə salıb. İtin qarnında düz 3 ədəd qadın alt paltarı olduğu aydınlaşıb. Hər üç alt geyimi itin qarnından təbii yollarla çıxıb. Barni adlı itin nə vaxt və hansı şərtlərdə bu paltarları yediyi hələlik tapmacadır. Onun qida rasionu diqqətlə izlənilir. Baytar bildirib ki, daha öncə də qarnında balaca top, kağız, plastik oyuncaq olan itlərlə qarşılaşıb.