Dekabrın 26-da Ali Məhkəmədə hakim Tatyana Qoldmanın sədrliyi ilə Qarabağ Əlilləri və Veteranları Cəmiyyəti Nəsimi rayon şöbəsinin rəhbəri Əhməd Rəhmanovun Səhiyyə Nazirliyinə və “dərman mafiyası”na qarşı iddia ərizəsinə baxılacaq.

Bu məlumatı virtualaz.org saytına açıqlamasında Ə.Rəhmanov özü verib.

Ə.Rəhmanov bildirdi ki, tərkibində ağır metallar olan peyvəndlərin tətbiqinin qadağan edilməsi ilə bağlı iddiası Apelyasiya Məhkəməsində təmin edilməyib: “Ali Məhkəmənin qərarından sonra beynəlxalq məhkəməyə müraciət edəcəm. Məhkəmə tərəfindən rəsmi qadağa tətbiq edilməsə də tərkibində ağır metallar olan peyvəndlərə qarşı təbliğat kampaniyasına başlamışam”.



Qarabağ əlilinin sözlərinə görə, oğlu Rafael Rəhmanov peyvənddən zəhərlənəndən sonra bu sahədə araşdırmalara başlayıb: “Oğlum 1 yaş yarımadək normal uşaqlar kimi böyüyüb. Bunu təsdiqləyən tibbi sənədlər də var. 2 yaşından sonra isə uşaq nitqini və sadə biliklərini itirdi. Bəlli oldu ki, uşaq auditizm xəstəliyinə tutulub. Autizmin simptomları agır metal zəhərlənməsi simptomları ilə eynidir”.

Uşağın qanı ABŞ-ın məhşur laboratoriyaları da müayinə edilib və azyaşlının ağır metallarla zəhərləndiyi təsdiqlənib: “2 yaşınadək uşaqlara müəyyən peyvəndlər vurulur. Məsələn, hepatit B-yə qarşı peyvəndin tərkibində civənin orqanik formasi və aliminium var. Ümumdünya Səhiyyə Təşkilatı normalar müəyyənləşdirib. Azərbaycanda körpələrə vurulan hepatit B peyvəndi çəkiyə görə vurulmalıdır. Uşağın çəkisi 3,6 kiloqramdan azdırsa, bu peyvənd vasitəsilə onun qanına 20-25 dəfə çox ağır metal daxil olur. Bu isə uşağın səhhətində müəyyən problemlər yaradır”.

Ə.Rəhmanov qeyd etdi ki, Nəsimi Rayon Məhkəməsi beynəlxalq ekspertizanın nəticələrini, ÜST-in normativlərini Səhiyyə Nazirliyi tərəfindən tanınmadığını əsas gətirərək sübut kimi tanımadı: “Səhiyyə Nazirliyinin təqdim etdiyi peyvəndlərin yaddaş vərəqi ilə ÜST-in 16 mart, 2010-cu il tarixli sənədi ilə müqaisədə bəlli olur ki, ömrünün ilk 12 saatinda uşaqlarımıza vurulan hepatit B peyvəndində civə və aliminium normadan 20-25 dəfə coxdur. Bu isə o deməkdir ki, ömrünün ilk ilində müxtəlif peyvəndlərlə uşaqlara normadan 70 dəfə cox agır metal vurulur”.

Şikayətçinin sözlərinə görə, uşaqlara peyvənd vurulmasının əleyhinə deyil: “ÜST 2007-ci ildən Avropanın inkşaf etmiş ölkələrində “timerasol” tərkibli vaksinlərin istifadəsini məsləhət görməyib. Bu vaksinlər yalnız üçüncü tip ölkələr ucun nəzərdə tutulub. Yəni Avropa ölkələri üçüncü dünya ölkələrinə bu vasitə ilə də ziyan vurur”.

Qeyd edək ki, peyvəndlərin fəsadları oglanlarda zehni problem, qizlarda isə göz damarlarında problem yaradır.

Hepatit B-nin tərkibində ağır metalların çəkisi:

Miqdarı: 1 doza – 0.5 ml. Tərkibində konservant olaraq – timerasol (civənin üzvi forması) 0.025 mq. və adyuvant olaraq (immun reaksiyanı artırmaq üçün), alüminium hidroksid – 0.25-0,4 mq.

Xatırladaq ki, civə insan orqanizminə ən ağır ziyan verə bilən maddələrdən biridir, onun üzvi birləşmələri isə qeyri-üzvi birləşmələrinə nisbətən daha ziyanlıdır. Civə insan orqanizmində yığılaraq onun bütün orqan və toxumalarına təsir göstərir və müxtəlif xəstəliklər yaradır. Ən çox fəsadlar isə sinir sisteminə yetirir. Alüminium da müxtəlif xəstəliklər yaradır və sinir sistemini zədələyir.

“Tərkibində ağır metallar olan peyvəndlərlə bağlı “American Journal of Epidemiology” jurnalında bir neçə alimin apardığı elmi tədqiqatlarin nəticəsi dərc olunub. Bu nəticəyə görə AKDS peyvəndi vurulmuş uşaqlarda ömrünün ilk 3-cü günündə ölənlərin sayı peyvənd vurulmayanlardan 8 dəfə cox olub” - bunu da Ə.Rəhmanov dedi.

Xəstəliklərə Nəzarət Mərkəzi tərəfindən aparılan ilkin tədqiqat göstərib ki, HIB-vaksin qəbul edən uşaqlarda hemofiliya infeksiyasına yoluxma ehtimalı peyvənd olunmayandan 5 dəfə çoxdur.

“The New England Journal of Medicine” tədqiqatlarına görə isə 5 yaşınadək göy öskürək xəstəliyinə tutulan uşaqların 80 faizi vaxtilə elə bu xəstəliyə qarşı peyvənd olunub.



Ölkənin baş pediatrı Nəsib Quliyev isə virtualaz.org saytına açıqlamasında peyvəndlərin zərəri ilə bağlı deyilənləri təkzib etdi.

Jalə