Baş nazir Yoşihiko Nodanın başçılığı ilə Yaponiya hökuməti tam heyətdə istefaya gedib

“Qafqazinfo”nun Rusiya mətbuatına istinadən verdiyi məlumata görə, bu barədə qərarı baş nazir bu gün Tokioda baş tutan fövqalədə iclasında verib.

Yeni hökumətə Liberal-demokratik partiyasının lideri Sindzo Abenin başçılıq edəcəyi gözlənilir. Onun partiyası dekabrın 16-da parlamentin keçirilmiş seçkilərində qalib gəlib. Onlar parlamentdəki 480 yerdən təxminən 300-ə sahib olublar.