Neftçalada təhsilə düşmən münasibət
Ötən günlərdə “Virtual Azərbaycan” (virtual.org) saytının yaydığı xəbərə görə, Neftçala rayonunun Lapatin qəsəbəsində heyvandarlıqla məşğul olan bir qrup Lerik rayon sakini baş prokuror Zakir Qaralova, Korrupsiyaya Qarşı Mübarizə İdarəsinin rəisi Kamran Əliyevə və təhsil naziri Mikayıl Cabbarova müraciət ünvanlayıb.

Onlar ərazidə yerləşən 4 illik ibtidai məktəbin adı olub, özünün fəaliyyətsizliyindən, həmin təhsil ocağında uşaqlara tədris proqramının keçirilməməsindən və bu işlərə cavabdeh olan müəllim Bəyoğlan Orucovun laqeyd münasibətindən uzun illər narazı qaldıqları üçün sonda məcburən şikayətçi düşdüklərini bildiriblər. Birgə müraciətdə məktəb direktoruna qarşı müəyyən ittihamlar da irəli sürülüb.

Bir halda ki, dövlətin rəsmi qurumlarına 21 vətəndaşın imzasıyla müraciət ünvanlanıb, yəqin ki, sonda elə həmin qurumlar tərəfindən şikayətçilərə cavab veriləcək. infom.az olaraq diqqətimizi təhsilin “ölü” durumu çəkdiyindən, vəziyyəti yaxından müşahidə etmək, yazılanların nə dərəcədə həqiqətə uyğun olduğunu öyrənmək üçün qəsəbəyə əməkdaşımızı ezam etdik.

Qeyd edək ki, sözügedən yaşayış məntəqəsinə Salyan rayonunun Sarvan kəndindən 28 km-lik yolu Mil-Muğan Kollektoru boyu bərbad yollarla yalnız yay aylarında getmək olar. Yaşlı adamlardan öyrəndik ki, bu ərazidə leriklilər tərəfindən məskunlaşma 1964-cü ildən başanıb. Həmin dövrdə orada Lerik rayonuna məxsus 5600 hektar sahədə damazlıq təsərüfatı yaranıb. 1998-ci ilin sonunda kolxoz dağılıb, onun əmlakı elə təsərrüfat sahibləri arsında özəlləşib. Torpaq isə dövlət fondunda olduğundan Neftçala rayonunun tabeliyinə verilib, ərazini lerikli maldarlar örüş-otlaq məqsədilə icarəyə götürüb.

Hazırda Qışlaq kəndində 120 təsərüfat subyekti, 50-dən çox yaşayış evi movcuddur. Əhalinin əsas məşğuliyyəti heyvandarlıqdır. Qışlaq kəndinin “Pirsara” ərazisində fəaliyyət göstərn 4 illik ibtidai məktəb Qışlaq kənd ümumi orta məktəbin filialıdr. Bu filialda cəmi 9 şagird qeydiyyatdadır. Burada sənəd üzərində adı keçən 2 müəllim: Bəyoğlan Orucov və Aybəniz Rzayeva, bir də xadimə çalışır. Bu filial artıq 40 ilə yaxındır ki, elə Bəyoğlan Orucovun evinin altındakı qarajda yerləşir.

Filialın saxlanması üçün Lerik rayon təhsil şöbəsinin hesabından hər ay təxminən 700 manat vəsait ayrılır. Əməkdaşımız dərs vaxtı həmin evin altında yerləşən qaraj- sinifə baxış keçirəndə, qarajın qapısı bağlı, içərsi şagirdsiz olub.

Filalın rəhbəri Bəyoğlan Orucov bu vəziyyəti müəllim və şagirdlərin qripə yoluxması ilə əlaqələndirib. Əməkdaşımız Qışlaq kənd ümumi orta məktəbinin direktoru Habil Abbasovla da görüşərək, onun mövqeyini öyrənib. Cənab Abbasov bildirib: “Artıq biz xeyli vaxtdır ki, Bəyoğlan müəllimin yarıtmaz fəaliyyətindən məlumatlıyıq. Bu barədə Lerik rayon təhsil şöbəsinin müdiri Balaşirin Nəsirovada demişik. Bəyoğlan Orucova son 2 ildə 3 dəfə xəbərdarlıq, 2 gün öncə isə şiddətli töhmət elan olunub.

Onun fəaliyyətindən, yerli sakinlər kimi, biz də ciddi narazı və narahatıq. Amma bu il elə onun özünün də filalında son ilidr. Artıq məsələ ilə bağlı rayon təhsil şöbəsi Təsil Naziriyi qarşısnda məsələ qaldırb ki, filial ləğv olunsun. Bu vaxta qədər tədbir görə bilməməyimizin səbəbi sadəcə ondan ibarət olub ki, üzü qara sinif onun evinin altında yerləşib. Onu işdən kənarlaşdırmaq üçün bir-iki dəfə cəhd etmişik, alınmayıb. Adam yeni müəllimi evin yaxınına belə buraxmayıb. Odur ki, məcburiyyətdən bu günə kimi dözmüşük. Amma bu il filialla bağlı tədbir görəcəyik. Ərazidə yeni məktəb binasının tikilməyinə sakinlər də öz köməkliyini təklif edir.”