Artıq bir neçə ildir ki, qeyri-neft sektorunun inkişafı üçün pambıqçılığa xüsusi önəm verilir.

Pambıqdan daha çox gəlir əldə etmək üçün pambıq tarlalarına daha çox torpaq ayrılmağa başladı. Bambıq üçün ayrılan torpaqlar belə desək heyvandarlığın boğazından kəsildi, bu isə ətin qiymətinə təsir etdi. Əslində məsələ bu yox, pambıq tarlalarının ağappaq qalmasıdır.

Olkənin bir çox yerində pambıq tarlaları yığılmasını gözləsə də, müxtəlif səbələrdən yığım baş tutmur.

Sahibkarlar əhalinin pambıq yığımına marağının olmamasından, əhali isə qiymətin çəkilən əziyyətə dəyməməsindən gileylənir. Nəticədə isə "Ağ qızıl" torpağa qarışır.

Ağdam rayonundan əldə etdiyimiz məlumata görə, pambıq tarlaları heyvanların otlaq yerinə çevrilib. Buna səbəb isə məhsulu yığanın olmamasıdır.

Bir neçə sahibkarla əlaqə yaratdıq, adlarının çəkilməsini istəməyən sahibkarlar, pambıq əkməyin ziyanlarına olduğunu bildirdilər. Sahibkarların sözlərinə görə, bambıqdan gəliri yalnız zavodlar əldə edir, xeyirdən çox ziyana işləyirlər.

Qeyd edək ki, Ağdam rayonunda pambıq tarlaları ötən il də yığılmamış qalmışdı və bununla bağlı saytımızda reportaj yayımlanmışdı.