Daşkəsən Rayon İcra Hakimiyyətinin Başçısı Əhəd Abıyev, ağacəkmə kampaniyasında iştirak edən rayon prokuroru Elman Süleymanov, Daşkəsən Rayon Məhkəməsinin sədri Azad Əliyev, YAP rayon təşkilatının sədri Meydanəli Yolçuyev və rayonun digər məsul vəzifəli şəxsləri ilə birgə ayrı-ayrı ərazilərdə ağaclar əkiblər.
Ağacəkmə kampaniyasında iştirak edən Rayon İcra Hakimiyyətinin Başçısı Əhəd Abıyev müsahibə verərək xüsusi olaraq qeyd etmişdir ki, Azərbaycanın tarixində və ictimai-siyasi həyatında əhəmiyyətli rol oynayan YAP-ın 25 illik yubileyi müxtəlif tədbirlərlə rayonumuzda qeyd olunur. Yubiley tədbirləri çərçivəsində bu gün isə rayon ərazisində yaşıllaşdırma kampaniyasına başlamışıq. Yaşıllaşdırmanın, ağacəkmənin ekoloji tarazlığın pozulduğu müasir dünyamızda həyat üçün aktuallığını və böyük əhəmiyyətini nəzərə alaraq 1200 ağac tinginin əkilməsi planlaşdırılan bu ağacəkmə kampaniyası rayonun lazımi ərazilərində həyata keçiriləcəkdir.
Daşkəsən Rayon İcra Hakimiyyətinin Başçısı Əhəd Abıyev onu da bildirib ki, möhtərəm Prezidentimiz cənab İlham Əliyevin müəllifi olduğu regionların sosial-iqtisadi inkişafı Dövlət Proqramının rayonumuzda uğurla icrası olunması sayəsində Daşkəsənin siması son illərdə çox ciddi şəkildə dəyişib, müasirləşib. Rayonumuzda ekologiyanın yaxşılaşdırılması istiqamətində də böyük işlər görülür.



“Bildiyiniz kimi YAP həmişə yaradıb, qurub, yaşadan partiya olub, gələcəkdə də xalqına xidmət göstərən partiya olacaqdır. Ümummilli liderimiz Heydər Əliyev həmişə quruculuq, abadlıq işlərinə və ekologiyanın qorunmasına, ağacların əkilməsinə xüsusi diqqət yetirib. Biz daşkəsənlilər də Ulu Öndər Heydər Əliyevin ideyalarına sədaqətlə xidmət göstərərək həyata keçiririk. Hesab edirəm ki, "Hərəyə bir ağac əkək" kampaniyası çərçivəsində ağac əkməklə biz rayonumuzun ekologiyasının yaxşılaşmasına öz töhvəmizi vermiş olacağıq. Əkilən ağaclar böyüyəcək və gözəl yaşıllıq zolağına çevriləcəkdir. Bu ağaclardan insanlar bəhrələnəcəklər.
Bu gün Daşkəsən rayonuna ilk qar yağıb. Rayonun idarə, müəssisə və təşkilatlarında payız-qış mövsümünə hazırlıqla əlaqədar rayon üzrə 76 bənddən ibarət tədbirlər planı işlənib hazırlanmışdır. Həmin layihədəki tədbirlərin yerinə yetirilməsi Rayon İcra Hakimiyyəti tərəfindən daim nəzarətdə saxlanılır” – deyərək Əhəd Abıyev vurğulayıb.