Hazırda isə tənqid yazanların yüz cür sıxma-boğmaya salınması, haqlı-haqsız incidilməsi göz qabağındadır

Ölkədə mətbuatın yaranmasının 142-ci ildönümü münasibəti ilə prezident İlham Əliyev 255 mənzili qələm sahiblərinə hədiyyə etdi. Ola bilməzdi ki, mənzillərin paylanması ilə əlaqədar sözdən söz çıxaran jurnalistlər arasında narazılıqlar yaranmasın. Elə də oldu. Bunun əsas başlanğıcında isə Azərbaycan Respublikasının Prezidenti Yanında KİV-ə Dövlət Dəstəyi Fondunun icraçı direktoru Vüqar Səfərli dayanır. Mənzillərin paylanması ilə əlaqədar yaradılan komissiya nəyi qoyub nəyi axtardığını heç kim başa düşmədi. Hansı şərt daxilində juranlaistlərə ev verilməsi haqqında deyilən fikirlə komissiyanın icra etdiyi iş uyğunsuzluq təşkil etdi. Binanın 255 mənzili tanınmış bir neçə qələm sahbinə verilsə də, 60-a yaxın mənzil nəinki adi görünən yazarlara, heç qələm tanımayanlara da peşkaş edildi. Jurnalistikadan xəbəri olmayan texniki işçilər, sürücü və katibələr də mənzil aldılar. Elə buradaca prezidenti çoxbilmişlər bu dəfə də rahatca aldada bildilər. Elə jurnalistlərə də mənzil verildi ki, onların mənzilləri də var, üstəlik dəbdəbəli həyat şəraiti də. Bəs onda nəyi qoyub, nəyi axtarırıq? Budurmu düzgünlük, budurmu həqiqət?

Elə isə imzaları tanınan, ictimai rəy qazanan, lakin kirayələrdə yaşayan, yataqxnalarda masa sığışmayan yerlərdə qalan yazarlarımız haqqında nə düşünək? Əlbəttə, biz də mənzil alan bütün qələm əhlilərini təbrik edirik. İncikliyimiz heç də onlardan deyil. Məqsəd başqa şeydir. Söhbət bu gün perzidenti aldadanlardan və diqqətsizlikdən gedir. Danışanda haqdan, ədalətdən, dövləti və dövlətçiliyi sevməkdən danışanlar bu gün dediklərimizdən kənarda dayandıqlarını görürük.

“Mən hər bir azərbaycanlının prezidentiyəm” deyən prezident İlham Əliyev, təbii ki hər bir jurnalistin də prezidentidir. Belə isə jurnalistlərin iqtidara və müxalifətə, ayrılması, eyni zamanda kimlər tərəfindənsə damğa vurulması hansı çərçivə daxilindədi? Axı, hər birimiz bu ölkənin vətəndaşıyıq.

Səhv etmiriksə possovet dövründə belə bir şüar da vardır: “Tənqid və özünü tənqid həyatın gügüsüdür”. Hazırda isə tənqid yazanların yüz cür sıxma-boğmaya salınması, haqlı-haqsız incidilməsi göz qabağındadır. “Gördüyünü yoz, eşitdiyini danışma” prinsipi Azərbaycan mətbuatına ləkə gətirməkdə davam edir. Prezident İlham Əliyevin ətarfında cəmləşən, ona yalandan məhəbbətini bildirənlər Azərbaycanı və millətini həqiqi sevənlər tərəfindən yerindəcə boğulmalıdır. Sirr deyil ki, bu ampulada gec-tez hər şey öz müvəffəq həllini tapacaqdır.

Vacib bir məsələyə də nəzər yetirmək iqtidarındayıq. Bu Bakıda yaşayan jurnalistlərlə regionlarda yaşayan jurnalistlər arasında qoyulan fərqdir. Məlumdur ki, yerlərdə elə qələm sahibləri vardır ki, onlar uzun illərdi mətbuatda çalışmaqla imzaları ilə tanınıblar. Onların bu gün yada düşməməsi, kənara atılması istər-istəməz ciddi narazılıqlar doğurur. Mənzil və sosial şəraitinin yaxşılaşdırılması proseseində həmin jurnalistlər də geridə qalmamamlıdır. Əks halda belə çıxır ki, onların da gələcəkdə mənzil şəraitinin yaxşılaşdırılması üçün Bakıya köçməlidir. Yaxşı olardı ki, jurnalistlərə mənzilləri ədalət prinsipi ilə bölməyib Prezident İlham Əliyevi aldadanlar insafa gəlib yerlərdəki jurnalistlər haqqında da fikir söyləyəydilər.

Nə deyək, bu dəfə də həmişə olduğu kimi keçənə güzəşt deyək. Əlac qalır 3-cü binanın tikintisinə. Arzular böyük, vaxt isə dar. Biz isə haqq-ədalət axtarışında..

İlham Hacalı
"Gündəm Xəbər"