“Gündən Xəbər” in elektron poçtuna müraciət edən, Sumqayıt şəhəri İnşaatçılar qəsəbəsi, Yaşıllaşdırma İdarəsinin yardımçı binasında məskunlaşmış əslən Qubadlı rayonun Tatar kəndindən məcburi köçkün, Azadov Nazim Azad oğlu bildirir ki, uzun müddətdir heç bir yerdə işləməyən lal və kar oğlu Azadov Azad Nazim oğlu və gəlini Azadova Jalə Yuriyevnanın sosial yardım almaq üçün lazım olan sənədləri yığsa da, Əmək və Əhalinin Sosial Müdafiə Nazirliyi müxtəlif bəhanələrlə onlara düşəsi sosial yardımı verməkdən imtina edir.

Nazim Azadov bürokratik əngəlin həlli istiqamətində 1 saylı Bakı İnzibati İqtisad Məhkəməsinə müraciət edib.Məhkəmə prosesi avqustun 16-na təyin edilib. İddiaçının 1 saylı Bakı İnzibati İqtisad Məhkəməsinə yazdığı ərizəni ixtisarla dərc edirik. “Biz iddiaçılar hər ikimiz 3-cü qrup əlilik, lal və karıq. Himayəmizdə 2 (iki) azyaşlı övladımız var. Mən -Azadov Azad Nazim oğlu Qubadlı rayonundan məcburi köçkünəm. Aylıq gəlirimiz Qaçqın və Məcburi Köçkünlər üçün verilmiş 36 manat kompensasiya və hər ikimizə verilən III qrup əliliyə görə 47 manat sosial müavinətdən ibarətdir. Bu pul bizim və azyaşlı uşaqlarımızın maddi ehtiyaclarını ödəmədiyindən biz ünvanlı sosial yardım almaq üçün Əmək və Əhalinin Sosial Müdafiə Nazirliyinə müraciət etdik. Bunun üçün bütün sənədləri lazımi qaydada topladıq və bununla bağlı elektron müraciət etdik. Bütün sənədlər öz qaydasında olmasına baxmayaraq 16 iyun 2017-ci il tarixli 173207702777901 saylı müraciətə əsasən “ Ünvanlı dövlət sosial yardımı” haqqında Azərbaycan Respublikası Qanununun 3-cü maddəsinə əsasən ailənin əmək qabiliyyətli üzvünün orta aylıq gəliri ondan asılı olan səbəbdən sıfra bərabər olduğu üçün, bu ailə ünvanlı dövlət sosial yardımı almaq hüququna malik deyildir səbəbilə imtina edildi Biz cavabdehin verdiyi imtinadan narazıyıq və imtinanı əsassız hesab edirik. Belə ki, biz işləmək üçün Qubadli rayon Məşğulluq Mərkəzinə müraciət etsək də, orada III qrup lal-kar əlil olduğumuza görə idarə, müəssisə və təşkilatlardan daxil olan boş iş yerləri və vakant vəzifələr toplusundan bizə uyğun iş tapılmamışdır. Məhkəmənin nəzərinə çatdırmaq istəyirəm ki, bununla əlaqədar bir neçə dəfə 142 qaynar xəttə müraciət etsək də, bizə heç bir tutarlı cavab verilməyib və yenidən müraicət etməyimiz tövsiyyə olunmuşdur. Bildirək ki, bu da məcburi köçkün, dözülməz şəraitli idarə binasında məskunlaşmış, əlil, yaşayan, himayəsində iki azyaşlı övladı olan valideynlər üçün çox çətindir. Cavabdehin bu cür laqeydliyi bizə ağır sarsıntı yaşatmışdır ki, bu da ailəmizə mənəvi ziyan olaraq küllü miqdarda hesablanmalıdır. Bir sözlə cavabdeh Nazirlik mənim Konistutusiya və Ünvanlı sosial yardımların alınması ilə əlaqədar hüquqlarımı pozmuşdur. Bu səbəbdən məcbur olub hüquqlarımızın bərpası ilə əlaqədar Məhkəməyə müraciət etməli olduq. Azərbaycan Respublikası Mülki Presessual Məcəlləsinin 15.2-ci maddəsinə əsasən Məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır”.



Şəkildə gördüyünüz bu şirin balaların valideyinləri: Azad və Jalə,lal və kardır...Qubadlı rayonundan məcburi köçkündürlər. Sumqayıt şəhər Yaşıllaşdırma İdarəsinin yardımçı binasında məskunlaşıblar. Dözülməz şəraitdə yaşayırlar.Sosial yardım üçün, Əmək və Əhalinin Sosial Müdafiəsi Nazirliyinə
müraciət ediblər. Nazirlik əməkdaşları pis vərdişlərə mübtəla olduqlarından, buacınacaqlı vəziyyətdə yaşayan ailəyə (təmannasız olmaz, 50-nin 50-yə qaydaları mövcuddur) sosial yardım verməkdən imtina edir. Azərbaycan korrupsiya “məktəb”nin nümayəndələrindən olan, Əmək və Əhalinin Sosial Müdafiəsi Naziri Səlim Müslümovun “ obyekt” lərində təmmənasız sosial yardım almaq mümkünsüzdür. Azadın atası Nazim Azadoğlu bəy valideyn olaraq, bürokratik əngəlin çözülməsi üçün,1 saylı Bakı İqtisad Məhkəməsinə müraciət edib. 16 avqustda məhkəmə prosesi təyin edilib. Rejim yanlıları, fiziki qüsurlu, lal və karlara da rəhm etmir...

“Gündəm Xəbər” olaraq ümid edirik ki, 1 saylı Bakı İnzibati İqtisad Məhkəməsi, iddiaçı tərəfin haqlı tələblərini nəzərə alaraq, ədalətli qərardat çıxaracaq. Lal və kar soydaşlarımızın hüquqlarının bərpası, öz həllini tapana qədər, olay “Gündəm xəbər”-in diqqətində olacaq...

Şakir Həsənsu
"Gündəm Xəbər"