Azyaşlı uşağını tənha qoyan bacısının qanını tökdü, avtomobil qaçırdı, başqasının evinə girdi

Sumqayıt şəhərində bıçaqlanma, oğurluq və əmlakı ələ keçirməkdə təqsirli bilinən Qubadlı rayon sakini, 1986-cı il təvəllüdlü İmdad Məmmədovun cinayət işi üzrə məhkəmə prosesi başa çatıb.
İttihama görə, İmdad Məmmədov 12 oktyabr 2016-cı il tarixdə, gecə saat 02 radələrində Sumqayıt şəhəri, 15-ci məhəllə, 10 saylı yataqxananın qarşısında saxlanmış və Muğa Zeynalova məxsus olan “VAZ 21074” markalı avtomobili talama məqsədi olmadan ələ keçirməklə qaçırıb. O avtomobili idarə edərkən həmin avtomobilin 80 manat dəyərində salon
şitindən, 45 manat dəyərində qabaq buferindən və 110 manat dəyərində səs boğucusundan ibarət, ümumilikdə 235 manat dəyərində ehtiyat hissələrini yararsız vəziyyətə salıb. Avtomobilin təmir bərpa xərcləri ilə birlikdə zərərçəkmiş şəxsə 463 manat məbləğində ziyan vurub.
Bundan başqa, İmdad Məmmədov 3 dekabr 2016-cı il tarixdə, 19.30-da bacısı Aynurə Məmmədovanın yaşadığı Sumqayıt şəhəri, H.Z.Tağıyev qəsəbəsi, Xəzri yaşayış massivində yerləşən 2 saylı yataqxananın 3 nömrəli mənzilinə gəlib. O, bacısının azyaşlı oğlunu evdə tək
qoyub getdiyini görüb və bacısını evdə gözləyib. Yarım saatdan sonra evə qayıdan Aynurə Məmmədovaya iradlarını bildirib.
Bu zaman İmdad Aynurə Məmmədova ilə mübahisə edib. Aralarənda yaranmış mübahisə zamanı İmdad əsəbləşib. Əsəbi olan İmdad stolun üstündə olan mətbəx bıçağı ilə Aynurə Məmmədovanın qarın nahiyəsindən bir dəfə vurub. Aynurə Məmmədovaya tibbi yardəm göstərildiyi üçün həyatını xilas etmək mümkün olub.
Daha sonra İmdad Məmmədov həmin ilin dekabırın 5-də, saat 22.30-da Tural Balakişiyevə məxsus Sumqayıt şəhəri, "Betonzavod" ərazisində yerləşən 688 saylı yaşayış evinə pəncərənin şüşəsini sındırmaqla içəri keçib. O evin qonaq otağında olan bir ədəd, 300 manat dəyərində "Arçelik" markalı televizoru oğurlayıb.
İmdad Məmmədov Cinayət Məcəlləsinin 126.1-ci (sağlamlığa ağır xəsarət yetirmə), 177.2.2-ci (təkrar oğurluq törətmək), 177.2.3-cü ( yaşayış sahəsinə, habelə binaya, anbara və ya başqa saxlanc yerlərinə qanunsuz daxil olmaqla oğurluq törətmək) və 185.1-ci ( Avtomobil və ya başqa nəqliyyat vasitəsini talama məqsədi olmadan qanunsuz ələ keçirmə (qaçırma) maddələri ilə ittiham edilib.
Bakı Ağır Cimayətlər Məhkəməsinin hökmü ilə İmdad Məmmədov 7 il müddətinə azadləqdan məhrum edilib. Hökmdən narazı qalan təqsirləndirilən şəxs apelyasiya şikayəti verib.
İmdad Məmmədov apelyasiya şikayətində göstərib ki, birinci instansiya məhkəməsi tərəfindən cəza təyini zamanı məcburi köçkün olması, ağır vərəm xəstəsi olması, hərbi xidmət zamanı başından qəlpə yarası alması kimi halların nəzərə alınmayaraq, barəsində ağır cəza təyin edilib. Məhkum qeyd olunan halları nəzərə alaraq, barəsində ədalətli cəza təyin edilməsini xahiş edib.
İmdad Məmmədovun şikayəti araşdırılması üçün Sumqayıt Apelyasiya Məhkəməsinə göndərilib. Hakim Vidadi Cəfərovun sdərliyi ilə baş tutan iclasda İmdad Məmmədovun apelyasiya şikayətinin dəlilləri araşdırılıb. Apelyasiya şikayətinin dəlillərini araşdıran hakim heyəti sonda qərar elan edib. Qərara görə, İmdad Məmmədovun apelyasiya şikayəti təmin edilməyib, birinci instansiya məhkəməsinin hökmü qüvvəsində saxlanılıb.

Aslan
gundemxeber.az