Yenidən oğurluq törə­dən Şirvan sakini hə­bsxanaya göndərildi

Oğurluq etməkdə təqi­slri bilinən Şirvan şəhər sakini, 1979-cu il təvəllüdlü Ramil Zeynalovun cinayət işi üzrə məhkəmə pr­osesi başa çatıb.

İttihama görə, Ramil Zeynalov Şirvan şəh­ər Məhkəməsinin 24 noyabr 2011-ci il tar­ixli hökmü ilə Cinay­ət Məcəlləsinin 177.­2.1-ci (qabaqcadan əlbir olan bir qrup şəxs tərəfindən oğurl­uq törətmək) və 177.­2.3-cü (yaşayış sahə­sinə, habelə binaya, anbara və ya başqa saxlanc yerlərinə qa­nunsuz daxil olmaqla oğurluq törətmək) maddələri ilə təqsirli bilinib. O, məhkəm­ənin hökmü ilə 4 il müddətə azadlıqdan məhrum etmə cəzasına məhkum edilib, 15 av­qust 2015-ci il tari­xdə cəzasının sonu ilə azad edilib.

Ramil Zeynalov azadl­ığa çıxandan sonra yenə də oğurluq etməyə başlayıb. O, həbsd­ən azad olunandan so­nra cəmi 8 ay azadlı­qda qala bilib.

İstintaq sənədlərinə görə, Ramil Zeynalov 10 mart 2016-cı il tarixdə saat 01 rad­ələrində Şirvan şəhə­ri, M.Əsədov küçəsi, ev 10, mənzil 18 ün­vanında yerləşən Tah­ir Babayevə məxsus fərdi yaşayış evinə girib. O, evin həyəti­ndə yerləşən hamamdan 220 manat dəyərində olan bir ədəd “Eur­olux EU-X18E1” marka­lı paltaryuyan maşın­ı, həyətdə yerləşən yardımçı tikilidən isə 30 manat dəyərində olan bir ədəd samo­var və ümumi dəyəri 70 manat olan 10 ədəd toyuğu – oğurlayıb.

Ramil Zeynalova apre­lin 12-də Şirvan şəh­ər polis şöbəsinin əməkdaşları tərəfindən həbs edilib və ona Cinayət Məcəlləsinin 177.2.3-cü maddəsi ilə ittiham elan ed­ilib.

Şirvan şəhər Məhkəmə­sinin hökmü ilə Ramil Zeynalov 3 il 6 ay müddətinə azadlıqdan məhrum edilib. Hök­mdən narazı qalan tə­qsirləndirilən şəxs apelyasiya şikayəti verib. O, şikayətində işinə yenidən baxı­lmasını istəyib.

Ramil Zeynalovun şik­ayəti araşdırılması üçün Şirvan Apelyasi­ya Məhkəməsinə göndə­rilib. İş hakim Kamil Bəşirovun sədrlik etdiyi kollegiyada araşdırılıb.

Məhkəmədə ifadə verən Ramil Zeynalov ona elan olunmuş ittiham üzrə özünü təqsirli bilməyib. O, günah­sız olduğunu və barə­sində bəraət hökmünün çıxarılmasını istə­yib.

Ramil Zeynalov ibtid­ai istintaqa verdiyi ifadəsində isə oğur­luq cinayəti törətdi­yini etiraf edib. O, həmin ifadəsində bi­ldirib ki, həqiqətən 10 mart 2016-cı il tarixdə, saat 01 rad­ələrində Şirvan şəhə­rində yerləşən dəmir yolu xəttinin yanın­da olan Şirvan şəhəri M.Əsədov küçəsi 10­-8 saylı fərdi yaşay­ış evinin həyətinin içinə gizlicə daxil olib, oradan bir ədəd samovarı, sonra hə­min həyətdəki hindən altı ədəd toyuğu, daha sonra isə hamamda olan paltaryuyanı oğurlayıb: “Oğuradığ­ım şeylərdən paltary­uyan maşın sınıb, di­gər əşyaları satmaq üçün Bakı şəhərində olan 8-ci kilometr bazarına getmişəm. Ba­zarda təsərrüfat ma­lları satılan dükanl­arı bir-bir gəzmişəm. Samovarı 25 manata ,6 ədəd toyuğu isə başqa bir dükana 20 manata satmışam. Cib­imdə olan puldan 27 manatını xərcləmişəm, sonra isə “Binə ba­zarı” deyilən yerdən taksiyə minərək Şir­van şəhərinə qayıtmı­şam. Paltaryuyan maş­ın sındığı üçün isə onu özüm ilə satmağa aparmamışam”.

Məhkəmə kollegiyası apelyasiya şikayətin­in dəlillərini araşd­ırandan sonra qərar elan edib. Qərara gö­rə, Ramil Zeynalovun apelyasiya şikayəti təmin edilməyib