Nəqliyyat, Rabitə və Yüksək Texnologiyalar Nazirliyinin tabeliyində olan “AzInTelekom” MMC sudan istifadəyə görə yaranmış borcla bağlı məhkməyə müraciət edib.

“Azərsu” ASC-yə qarşı iddia qaldıran “AzInTelekom” sudan istifadəyə və kanalizasiya xidmətlərinə görə hesablanmış məbləğin qanunsuz hesab edilməsi və həmin məbləğin silinməsini tələb edib.

Ərizəyə 1 saylı Bakı İnzibati İqtisad Məhkəməsində baxılıb və iddia qismən təmin edilib. “Azərsu” bu qərardan narazı qalıb və apellyasiya şikayəti verib. Hazırda bu işə Bakı Apellyasiya Məhkəməsinin hakimi Kəmalə Abiyevanın icraatında baxılır. Proses fevralın 1-də davam etdiriləcək./qafqazinfo