Atasını bıçaqlayaraq öldürüb, sonra isə evi yandıran şəxs hakim qarşısına çıxarılıb. Dəhşətli qətlə görə daha iki nəfər həbs edilib.

Bakı Ağır Cinayətlər Məhkəsində qətl törətməkdə ittiham edilən 1997-ci il təvəllüdlü Elməddin İsmayılov, 1992-ci il təvəllüdlü Nəcməddin İsmayılov və 1976-cı il təvəllüdlü Vəlican Dadaşovun cinayət işi üzrə məhkəmənin hazırlıq islası keçirilib.

Hazırlıq iclasında təqsirləndirilən şəxslərin anket məlumatları dəqiqləşdirilib.

Elməddin İsmayılovun ilk cinayət əməlidir, subaydır. Anket məlunatlarında məlum olub ki, Vəlican Dadaşov daha əvvəl bir neçə dəfə məhkumluq həyatı yaşayıb.

Nəcməddin İsmayılovun da daha əvvəl də oğurluğa görə hakim qarşısına çıxarıldığı və şərti cəza aldığı məlum olub.

Məlum olub ki, təqsirləndirilənlərdən yalnız Elməddin özünü günahkar bilir. Digər iki şəxs özünü günahkar bilmir. Hətta istintaq dövründə Vəlican Dadaşovla digərləri arasında mübahisələr də yaranıb. Bu səbəbdən də məhkəmə zalında onlar ayrı-ayrı dəmir barmaqlıqlar arxasına salınıblar.

Məhkəmənin baxış iclası avqustun 31-nə təyin edilib

Bildirək ki, Daxili İşlər Nazirliyi Bakıda oğulun atasını bıçaqlayaraq qətlə yetirdikdən sonra meyitini yandırması barədə məlumat yayıb.

Nazirliyin mətbuat xidmətindən verilən məlumata görə, polis və prokurorluq orqanları əməkdaşları tərəfindən həyata keçirilən istintaq hərəkətləri və əməliyyat-axtarış tədbirləri nəticəsində Xəzər rayonu ərazisində törədilən qətlin üstü “isti izlər”lə açılıb və cinayəti törətməkdə şübhəli bilinən şəxslər tutularaq istintaqa cəlb ediliblər.

2016-ci ilin fevral ayının 1-də Xəzər rayonu Zirə qəsəbəsinin bağlar sahəsində Pirallahı qəsəbə sakini Azər Əliyevə məxsus bağ evində yanğın baş verib, nəticədə yanar konstruksiyalar yanıb.

Rayon polis və prokurorluq orqanları əməkdaşları tərəfindən hadisə yerinə keçirilən baxış zamanı oradan yanmış meyit tapılıb. Mərhumun İbrahim Əliyev olması və onun kəsici-deşici alətlə qətlə yetirilməsi müəyyən edilib.

Bakı Şəhər Baş Polis İdarəsi, Xəzər Rayon Polis İdarəsi və prokurorluğu əməkdaşlarının peşəkarlıqla keçirdikləri istintaq-əməliyyat tədbirləri nəticəsində hadisənin İbrahim Əliyevin oğlu Elməddin İsmayılov tərəfindən törədilməsinə əsaslı şübhələr yarandığından saxlanılıb.

Əməliyyat tədbirlərinin davamı olaraq cinayətin digər iştirakçıları da müəyyən edilib və qəsəbə sakinləri, əvvəllər məhkum olunmuş Vəlican Dadaşov və Nəcməddin İsmayılov da saxlanılaraq istintaqa cəlb ediliblər.