Azərbaycanda 8-ci sinif Azərbaycan dili dərsliyində vulqar ifadələrin işləndiyi mətn üzərində dəyişiklik edilib.

Bu barədə BakuPost-un sorğusuna cavab olaraq Təhsil Nazirliyindən məlumat verilib. Bildirilib ki, dəyişiklik dərslinin yeni nəşr edilən variantlarında tətbiq edilib.

"Dilçilərin iştirakı ilə qeyd edilən məsələ geniş müzakirə olunub və dərslikdəki mətnin problemli olmadığı bildirilib. Aparılan müzakirələrdə, verilən müxtəlif açıqlamalarda dilçilər və pedaqoqlar bildiriblər ki, şagirdlər dildə vulqarizmin olduğunu da bilməlidirlər. Dərslikdə vulqar ifadələrin yerləşdirilməsində məqsəd isə şagirdlərin tərbiyəsini pozmaq və yaxud qeyri-etik ifadələr öyrətmək deyil, belə sözləri başqa ifadələrdən fərqləndirməyi bacarmağı şagirdlərə aşılamaqdır. Burada şagirdlərə nəyinsə təbliğ edilməsindən söhbət gedə bilməz.