Bank işçisi nöbnəti dəfə hakim qarşısına çıxarılıb.

Bakı Ağır Cinayətlər Məhkəməsində mənimsəmədə təqsirləndirilən Şahin Mövsümovun cinayət işi üzrə məhkəmə iclası davam etdirilib.

Hakim Şəkər Məmmədovanın sədrliyi ilə keçirilən məhkəmə iclasında dövlət ittihamçısı ittiham aktını elan edib.

Şahin Mövsümov özünü günahkar bilməyib. O deyib ki, qeyd edilən cinayətdən xəbərsizdir.

Məhkəmə iclası oktyabrın 16-da davam etdiriləcək.

Bildirək ki, Ş.Mövsümov "Bank Republika"nın sabiq əməkdaşı olub. O, həmin bankda inkassator vəzifəsində çalışıb.

İttihama görə, Ş.Mövsümov bankın 90 min manat pulunu mənimsəyib. İstintaq dövründə onun barəsində həbs qətimkan tədbiri seçilməyib.

Ş.Mövsümov Cinayət Məcəlləsinin.179.3.2-ci (mənimsəmə, külli miqdarda) maddəsi ilə ittiham edilir./Musavat.com