Bakı-Gəncə sürət qatarı yolda dayanıb.

Hadisə qatar Bakı istiqamətində hərəkət edərkən Kürdəmir rayonu ərazisində səhər saatlarında baş verib.

“Azərbaycan Dəmir Yolları İdarəsi”nin mətbuat katibi Sevinc Qədirova “Qafqazinfo”ya açıqlamasında bildirib ki, hadisə elektrik xətlərində baş verən nasazlığa görə yaranıb.

Problem qısa müddət ərzində aradan qaldırılıb. Qatar 8 dəqiqə gecikmə ilə Bakıya çatıb.

Bakı-Gəncə sürət qatarı yolda qaldı

Qeyd edək ki, sözügedən qatarda Əməkdar artist Abbas Bağırov da olub. O, VİP vaqondan sosial şəbəkədə video da paylaşıb.