Paytaxtda taxta bazarında yanğın baş verib.

FHN-dən verilən məlumata görə, gecə saatlarında Bakı şəhərinin Nərimanov rayonunda taxta bazarının ərazisində təxminən 350-400 m² sahədə taxta materiallar yanıb.

Fövqəladə Hallar Nazirliyi Dövlət Yanğından Mühafizə Xidmətinin mühafizə bölmələri çağırış ünvanında müvafiq yanğınsöndürmə işləri aparıblar.

Yanğın saat 03:48-də məhdudlaşdırılıb, saat 07:15-də isə söndürülüb.