Bu gün Demokratik Azərbaycanı Seç (DAS) hərakatının siyasi mühacirlərdən ibarət fəallarının təşkilatçılığı ilə Almaniyanın Berlin şəhərində ABŞ-ın Almaniyadakı səfirliyinin, Avropa Birliyinin Almaniyadakı nümayəndəliyinın, Almaniyanın Xarici İşlər Nazirliyinın və Azərbaycanın Almaniyadakı səfirliyinin önündə "siyasi məhbuslara azadlıq", "repressiyalara son" tələblərilə mitinq və etiraz yürüşü keçirilib.



Bu haqda GundemXeber.Az-a məlumatıb DAS-in aktiv üzvlərindən biri Mübariz Kərimov məlumat verib. M.Kərimovun sözlərinə görə, aksiyasnın məqsədi Azərbaycanda baş verən son hadisələrə diqqət çəkməkdir. Bildiyiniz kimi, Coronavirus Pandemiyası bütün dünya üçün bəlaya çevirlib. Demorkatik ölkələrdə xalq hakmiyyətlə birlikdə virusa qarşı birgə mübarizə aparır. Lakin bizim hakimiyyət bunu öz məqsədləri üçün istifadə etdi. Biz əsasən, Azərbaycanda baş verən hadisələri alman cəmiyyətinə çatdırmağa çalışırıq. Məlumdur ki, Azərbaycanda insan hüquqları reallıqda deyil, yalnız kağız üzərindədir.



İctimai-siyasi fəallar və müxalifət partiyaları üzvləri həbs edilir və işgəncəyə məruz qalırlar. Tənqidi münasibətdə olan insanlara qarşı saxta məhkəmə ittihamlarıyla inzibati həbslər və saxta cinayət işləri təşkil edilir. Bütün bunlar hakimiyyətin sifarişi əsasında həyata keçirilir. Pandemiya dövründə Tofiq Yaqublunun, Elçin Məmmədin, AXCP fəalı Niyaaməddin və Said Bakuvinin sifarişli həbsləri və işgəncə almaları bunu bir daha subut etdi.



Sonra həmkarının fikirlərini davam etdirən təşkilatçilardan biri DAS İdarə heyətinin üzvü Elnur Mirzəyev bildirdi ki, Azərbaycsn xalqına qarşı mənəvi və psixoloji terrorizm həyata keçirilir. Bütün dünyanı bürümüş Koronavirus pandemiyasi bir tibbi bəladırsa, ona qarşı mübarizə aparmaq adı altında həyata keçirilən bütün eybəcərliklər psixoloji işgəncədir. Ona görə ki, xəstəliyə qarşı insanlar mübarizə apara bilməzlər. Bu işi cəmiyyətin peşəkar strukturu və kadrları həyata keçirməlidir. Hesab edirəm ki, ölkəmizdə xəstəliklərlə mübarizəyə həm maddi-texniki bazamız, həm də peşəkar kadrlarımız vardır. Lakin, peşəkarcasına təşklatçılığın olmaması üzündən saysız-hesabsız insanlar oturub ölümü gözləməyə məhkumdurlar.



Təsəvvür edin ki, elmlər akademiyasının bir alimi yazır ki, 4 gündür məni gəzdirirlər, lakin yerləşdirə bilmirlər. Bu ölkənin səhiyyə sisteminin yerində olmaması deməkdir. İnsanlar sadəcə sosial və iqtisadi problemləri üzündən qaydaları pozurlar. Oqtay Şirəliyev, TƏBİB və nə bilim nələr... guya anlamırlar ki, insanlar acdır və o yeməlidir?, o yaşamalıdır?. Onun üçün fərqi yoxdur, ya xəstəlikdən öldü, ya aclıqdan... o sadəcə ölmək istəmir. Lap yaxşı dərk edirlər, sadəcə o qədər başları korrupsiyaya qarışıb ki, iş görməyə ya həvəsləri var, ya planları. Çünki başları büdcəni talamağa, məhv etməyə yönəlib.
Əvəzndə nə edirlər? – Danışanları, səs çıxaranları, etiraz edənləri həbs edirlər, onlara işgəncə verirlər. Polis rejimi vasitəsilə bütün cəmiyyəti qorxu altında saxlayırlar. Yalnız Pandemiyaya görə karantin qaydaları zamanı 35-dən artıq adam həbs edilib, AXCP üzvlərinə, Müsəlman Birliyi Hərəkatı fəallarına qarşı işgəncələr və repressiyalar keçiriblər, Aqil Hümbətovu dəlixanaya salıblar və s.
Bütün bunlar hakimiyyətin qanunsuz addım atmağını göstərir, bacarıqsızlığını göstərir. Məncə sözün bitdiyi yerdir.



Mən sonda bildirmək istəyirəm ki, Azərbaycanda bu hökumətdən nəsə gözləmək artıqdır. Sadəcə hakimiyyət istefaya getməli və yeni demokratik seçkilər vasitəsilə normal hökumət formalaşdırılmalıdır.
Sonra aksiya iştriakçıkarı müraciətlərini oxuyaraq tələblərini səsləndirmişdirlər:
Azərbaycan hakimiyyəti COVİD-19 epidemiyası zamanı və ondan əvvəl həbs edilən, barəsində saxta ittihamlarla cinayət işi açılan siyasi məhbusların hamısı azad edilsin;
Saxlanılan şəxslərə qarşı işgəncə hallarına son qoyulsun;
Saxlanılan şəxslərin vəkillərilə və ailələrilə sərbəst görüşməsinə icazə verilsin;
Saxlanılan şəxslərin sağlıq durumuyla bağlı ictimaiyyətə məlumat verilsin;
Siyasi təzyiqlərə, təqiblərə, həbslərə - bütövlükdə repressiyalara son qoyulsun;
Tələbimiz üzərində Azərbaycan hökumətinə edilən müraciətlər haqqında bizə də məlumat verilsin.

Aksiyanın digər təşkilatçıları Səbuhi İsmayılov, Əmrah Verdizadə, Rövşən Cabbarov, Orxan Həbibli, Teymur Əsgərov, Məleykə Xələfova, Məmməd Qarayev, , Camal Seyidli, Emin Şirəliyev və Aqil Hüseynov öz tənqidi fikirlərini səsləndirkdən sonra, aksiya iştirakçıları sonda müraciətlərini və tələblərini ABŞ-ın Almaniyadakı səfirliyinin, Avropa Birliyinin Almaniyadakı nümayəndəliyinın, Almaniyanın Xarici İşlər Nazirliyinın nümayəndələrinə təqdim ediblər.

Gundemxeber.Az