Rusiyanın İstintaq Komitəsi “Alik Rıji” ləqəbli “qanuni oğru” Əli Heydərovun qatilinin dindirilməsi videosunu yayımlayıb.

“Moskovski Komsomolets” xəbər verir ki, saxlanılan şəxsin adı Mətləb Sultanovdur. O, Moskvadakı İstintaq İdarəsinə gətirilib. Şübhəli şəxs qətlə görə tutulduğunu etiraf edib.
Eyni zamanda, Mətləb Sultanov qətlin sifarişli olduğunu danıb. Onun sözlərinə görə, “Alik Rıjı” onu söyüb, insident də buna görə baş verib. Sultanov cinayəti pul müqabilində törətdiyini inkar edir.
Əli Heydərov aprelin 12-də günortadan sonra Aviasiya küçəsindəki fitness klubunda güllələnib. Sonra qatilin 26 saylı avtobusla hadisə yerini tərk etdiyi məlum olub. Dağıstan əsilli 56 yaşlı sürücü kabinəsində tapança tapdığını bildirib.

Videonu izləmək üçün linkə daxil olun:

https://bax.tv/hadise/eli-heyderovun-qatili-danisdi-qetl-sifarisli-deyil-132037?utm_source=playerden&utm_medium=paylasim&utm_campaign=132037

Gundemxeber.az