Bu gün - 1 sentyabr İkinci Dünya Müharibəsinin başlanmasından 82 il keçir.

Almaniyanın Polşaya hücumunun başlandığı bu tarix (1 sentyabr 1939-cu il) İkinci Dünya Müharibəsinin başlanması tarixi sayılır.

6 il 1 gün davam edən müharibə nəticəsində 60 milyondan çox insan həyatını itirib.

Avropanın böyük hissəsini işğal etməyə müvəffəq olan faşist Almaniyası 1945-ci ildə antihitler koalisiyası tərəfindən məğlubiyyətə uğradıldı. 2 sentyabr 1945-ci ildə Yaponiyanın da ABŞ gəmisi “Missuri”nin göyərtəsində təslim aktını imzalaması ilə müharibə başa çatdı.

Qeyd edək ki, azərbaycanlılar da bu müharibədə böyük qurbanlar verib. SSRİ-dən cəbhəyə yollanan 650 min azərbaycanlıdan 420 mini geri qayıtmayıb.

Gundemxeber.az