Gürcüstanda koronavirusa yoluxmuş 6 yaşlı uşaq dünyasını dəyişib. Bu artıq Gürcüstanda sayca koronavirusdan dünyasını dəyişən 3-cü uşaqdır. Azərbaycanda son günlər uşaqların da koronavirusdan ağırlaşması qeydə alınıb. Mütəxəssislər bunun səbəbini koronavirusun təhlükəli “Delta” ştammının ölkəmizdə də sürətlə yayılmasını göstərir. Məlum olduğu kimi, “Delta” ştammı uşaqlarda da ağır fəsadlara yol aça bilir. Bəs nə etməli? Uşaqları virusun bu cür təhlükəli növündən necə qorumalı?

Gundemxeber.az xəbər veririk ji, mövzu ilə bağlı “Ankara” klinikasının baş həkimi Zülfüqar Yusifov Moderator.az-a danışıb:

“Covid başlayandan ilkin ştamlar adətən böyüklərə təsir edirdi. “Delta” ştammının uşaqlarda və gənclərdə yeni yoluxma riski yaratdıqları ilə bağlı məlumatlar həqiqəti əks etdirir. Gənclərdə, orta yaşlılar bu virusa yoluxmaqla yanaşı uşaqlara da şamil olunmağa başlayır. Bununla bağlı bizə müraciət olunmayıb. Ümumən məlumatımız var ki, artıq uşaqlarda da yayılma halı baş verib”.

 Həkim qeyd edib ki, immun sistemi zəif olan uşaqlar virusun bu ştammına daha tez yoluxur:

“Uşaqların bu virusu müxtəlif ağırlıqda keçirməsi gözlənilir. Bu sahədə bizdə kifayət qədər səriştəli mütəxəsisslər var. Ümid edirəm ki, bu problemin də öhdəsindən gəlməyə çalışacaqlar”.

 Yeni tədris ili başlayır və uşaqların məktəblərdə ümumi yoluxma hallarının artma ehtimalı ilə bağlı ünvanladığımız suala isə ekspert bu cür cavab verdi:

“Ötən il məktəblər qapalı qaldı. Bu mövsüm də Dünya Səhiyyə Təşkilatında ciddi beynəlxalq səviyyəli qurumların da ağır proqnozu da yoxdur ki, koronavirus nə qədər müddət davam edəcək. Digər müəssisələr müəyyən məhdudiyyətlər olmaqla işlərini davam etdirir. Bu müddət bəlli olmadığında həm iqtisadi, həm də təhsil sahəsində qapanmaların nə qədər davam edəcəyi məsələsi müzakirə mövzusu olmaqda qalır. Təhsilimizi də illər boyu koronavirusu gözləyərək yubatsaq gələcəkdə itikilərimiz daha böyük olacaq”. 

GUNDEMXEBER.AZ