Müdafiə Nazirliyinin daha bir sabiq idarə rəisi saxlanıldı

Gundemxeber.az » Ölkə » Cəmiyyət » Müdafiə Nazirliyinin daha bir sabiq idarə rəisi saxlanıldı

Tarix: 10-03-2022, 17:33 Bölmə :Cəmiyyət Baxış: 287

Müdafiə Nazirliyinin (MN) daha bir sabiq idarə rəisi saxlanılıb.

MN-in Mənzil İstismar İdarəsinin sabiq rəisi Fikrət Mirzəyev Dövlət Təhlükəsizliyi Xidmətində aparılan cinayət işi çərçivəsində saxlanılıb.

O, xüsusilə külli miqdarda mənimsəmədə təqsirləndirilir.

Fikrət Mirzəyevə qarşı Cinayət Məcəlləsinin 179.4-cü maddəsi iə ittiham irəli sürülüb.

Qeyd edək ki, Fikrət Mirzəyev 2 il əvvəl vəzifəsindən azad edilib.

Xatırladaq ki, Dövlət Təhlükəsizliyi Xidməti Müdafiə Nazirliyində baş verən mənimsəmə faktları ilə bağlı cinayət işinin istintaqını davam etdirir.

Bundan əvvəl Müdafiə Nazirliyinin Maliyyə və Büdcə İdarəsinin rəisi, general-mayor Nizami Məmmədov və bəzi vəzifəli şəxslər həbs edilib.

Fikrət Mirzəyevin saxlanılması ilə bağlı ilk xəbəri "qafqazinfo.az” saytı yayıb.

GUNDEMXEBER.AZ