Hazırda Ukraynadakı hərbi əməliyyatlara dörd rus generalı səfərbər olunub. Onların hamısı konkret olaraq müharibə görmüş, real döyüşlərdə iştirak etmiş insanlardır. Dünən onlara yeni tapşırıqlar verildı.

Gundemxeber.az xəbər verir ki, bu fikri qalmaqallı teleaparıcı Vladimir Solovyov “Rossiya 1” telekanalının efirində deyib.

“Qərb istiqaməti – general Seçevoy. Mariupolu tam olaraq nəzarətə götürən adam.

Şərq istiqaməti – general Muradov. Bu insanı demək olar ki, hamı tanıyır. Qarabağda Rusiya hərbi kontingentinə rəhbərlik edib. Ondan qabaq isə Suriya əməliyyatlarına başçılıq edib, Rusiya Qəhrəmanıdır.

General Lapin – mərkəzi qrupun rəhbəri. Oğlu ilə bir yerdə döyüşürdü. Hazırda oğlu yaralanıb və hospitaldadır.

Və nəhayət, Rusiya Silahlı Qüvvələrinin ordu generalı Surovikin – “Qəddar” ləqəblı general.

Artıq bu 4 generala yeni tapşırıqlar verilib”, - deyə Solovyov qeyd edib.

Gundemxeber.az