Həbsdə olan ictimai fəal Bəxtiyar Hacıyevin ailə üzvləri ilə görüşünə icazə verilib.

Gundemxeber.az “Qafqazinfo”ya istinadla xəbər verir ki, bu barədə onun vəkili Aqil Layıc məlumat yayıb. Müdafiəçi bildirib ki, Bəxtiyar Hacıyevin yaxın qohumlarına nisbətdə görüş və telefon danışığı məhkəmə tərəfindən təmin edilib.
Əldə etdiyimiz məlumata görə, artıq o, bir dəfə Yeni il bayramı ərəfəsində anası ilə də görüşüb.
Qeyd edək ki, xuliqanlıq və məhkəməyə hörmətsizlikdə ittiham olunan B.Hacıyevin həbsindən bir ay ötür. O, həbsdə bu müddətdə 2 həftə aclıq edib. Vəkilləri tərəfindən bir neçə dəfə ev dustaqlığına buraxılması üçün vəsatətlər verilsə də, məhkəmələr vəsatətləri təmin etməyib. B.Hacıyevin jurnalist Ülviyyə Alovlu ilə münaqişəsinə görə tutulduğu bildirilir.

Gundemxeber.az