Gundemxeber.az » Ölkə » Cəmiyyət » DSMF-nin vəzifəli şəxslərinin cinayəti işi Ali Məhkəmədə - 231 minlik mənimsəmə
DSMF-nin vəzifəli şəxslərinin cinayəti işi Ali Məhkəmədə - 231 minlik mənimsəmə
Dövlət Sosial Müdafiə Fondunun (DSMF) vəzifəli şəxsləri Əbülfəz İbrahimov, Arif Qəmbərov, Nizami Əhmədov, Səmayə Eminova, Bəyəli Xəlilov, Şahin Məmmədov və Elçin Ələkbərovun cinayət işi ilə bağlı Ali Məhkəməyə müraciət edilib.
GUNDEMXEBER.AZ xəbər verir ki, Əziz Seyidov iş üzrə hakim təyin edilib.
Adıçəkilən şəxslər 2020-ci ildə Korrupsiyaya Qarşı Mübarizə İdarəsi tərəfindən saxlanılıb. Həmin vaxt Baş Prokurorluğun yaydığı məlumatdan aydın olur ki, DSMF-nin Gəncə şəhər Kəpəz və Nizami rayon şöbələrinin vəzifəli şəxslərinin qanunsuz əməlləri ilə bağlı DSMF-dən daxil olan materiallar əsasında Baş prokuror yanında Korrupsiyaya qarşı Mübarizə Baş İdarəsində həyata keçirilən təxirəsalınmaz əməliyyat tədbirləri nəticəsində Cinayət Məcəlləsinin müvafiq maddələri ilə cinayət işi başlanıb.
Aparılan istintaq-əməliyyat tədbirləri ilə müyyən edilib ki, Fondun Gəncə şəhər Nizami rayon şöbəsinin Sosial sığorta sektorunun baş məsləhətçisi vəzifəsində işləmiş Ələkbərov Elçin Qoşqar oğlunun həmin fondun Gəncə şəhəri Kəpəz şöbəsinin müdiri vəzifəsində işləmiş Qəmbərov Arif Rəşid oğlu və pensiya təyinatı sektorunun müdiri Eminova Səmayə Zakir qızı ilə birlikdə ayrı-ayrı şəxslərə saxta sənədlər əsasında pensiya təyin edilməsi müqabilində 5 nəfərdən ümumilikdə 23 min 500 manat məbləğində pul alıb həmin vəsaiti öz aralarında bölərək şəxsi ehtiyaclarına sərf etməsinə, eləcə də öz qulluq mövqeyindən istifadə edərək fonda məxsus 19 min 280 manat məbləğində pul vəsaitini israf edib.
Bundan başqa, Elçin Ələkbərovun ayrı-ayrı vaxtlarda Səmayə Eminova, habelə fondun Gəncə şəhəri Kəpəz şöbəsinin müdiri vəzifəsində işləmiş Əhmədov Nizami Məmməd oğlu, müdir müavini Xəlilov Bəyəli Şərif oğlu, mütəxəssisi Rafael Novruzov və vətəndaş Şahin Məmmədov ilə birlikdə eyni məqsədlə ayrı-ayrı şəxslərdən ümumilikdə 136 min 300 manat məbləğində pul alıb həmin vəsaiti öz aralarında bölərək şəxsi ehtiyaclarına sərf etməsinə, eləcə də öz qulluq mövqeyindən istifadə edərək fonda məxsus 113 min 965 manat məbləğində pul vəsaitini israf etməsinə, həmçinin ayrı-ayrı şəxsləri aldadaraq ümumilikdə 39 min 361 manat məbləğində pul vəsaitini ələ keçirərək dələduzluq etməsinə, həmin şəxsləri rüşvət verməyə təhrik etməsinə, öz qulluq mövqeyindən istifadə etməklə vətəndaş Əbülfəz İbrahimov və digərləri ilə birlikdə 22 nəfərə məxsus cəmi 58 min 300 manat məbləğində pul vəsaitini ələ keçirərək dələduzluq etməsinə əsaslı şübhələr müəyyən olunub.
İş üzrə toplanmış sübutlar əsasında Elçin Ələkbərova, eləcə də qeyd edilən digər şəxslərlə birlikdə cəmi 7 nəfərə Cinayət Məcəlləsinin 179.3.2 (külli miqdarda mənimsəmə və israf etmə), 178.3.2 (külli miqdarda ziyan vurmaqla dələduzluq), 311.3-cü (külli miqdarda rüşvət alma) və digər maddələri ilə yekun ittiham elan edilib.
Cinayət işinin məhkəmə istintaqı Gəncə Ağır Cinayətlərində aparılıb. Nəticə barəsində məlumat olmasa da, Elçin Ələkbərovla digərlərinin məhkumluq həyatı yaşadığı bildirilir.
GUNDEMXEBER.AZ
Oxşar yazılar :
-
-
ƏƏSMN-in vəzifəli şəxsləri rüşvətə görə həbs ...
29-06-2020, 17:23
-
Gəncədə yeni antikorrupsiya dalğası... -DETALLAR ...
5-03-2021, 14:49
-
Vəzifəli təhsil işçilərinə cinayət işi açdı ...
19-12-2013, 09:36
-
Şabranda vəzifəli şəxslərin qanunsuz əməlləri ...
17-12-2014, 11:36
-
Azərbaycanda peşə liseyinin vəzifəli şəxslərinin ...
20-05-2013, 19:26
Sorğu
Yay istirahətini harada keçirmək niyyətindəsiniz?