21 yaşlı qızın doğum günündə başına bədbəxt hadisə gəlib.

Londonda yenə müsəlmanlara hücum edilib.

Reşam Xan adlı tələbə maşında ikən anidən kimyəvi maddəli hücuma məruz qalıb.

Onun dediyinə görə, o, rəfiqəsi ilə maşında oturub, işıqforun yaşıl işığının yanmasını gözləyərkən tanımadığı adam onun üzünə kimyəvi turşu püskürdüb.

Bu anda qız qaçmaq üçün qaza basıb, lakin idarəetməni itirib. Maşın çəpərə çırpılıb.

Kimyəvi turşu qızın üzünü, bədəninin və avtomobilin müxtəlif hissələrini yandırıb.

Qızın rəfiqəsi avtomobildən düşərək yoldan keçənlərdən yardım istəyib. Yoldan keçənlər onu xəstəxanaya aparıblar.

Model olmaq istəyən 21 yaşlı Reşamın üz-gözü pis hala düşüb.

Polis hər yerdə kimyəvi maddə ilə hücum edən şəxsi axtarır.