Oğuz rayonunda 1954-cü il təvəllüdlü Zaur qohumunun yetkinlik yaşına çatmayan iki qızı – Nəcibə və Cəmaləyə (adlar şərti verilib – red.) qarşı seksual hərəkətlər edib.

Ağdaş rayon sakini Zaur 2023-cü ilin iyul ayında arvadı Sonanın anasının ölümünün ildönümü ilə əlaqədar onun qardaşı oğlu Telmana məxsus Oğuz rayonunun kəndində yerləşən evində qonaq qalıb. İyulun 30-da saat 18 radələrində Telmanın övladı 2013-cü il təvəllüdlü Nəcibəni evin həyətində tək görüb.

Zaur azyaşlıya seksual xarakterli zorakılıq hərəkətləri etmək qərarına gəlib. Onu müxtəlif bəhanələrlə aldadıb və həyətdəki yarımtikiliyə aparıb. Azyaşlının qışqırmaması üçün əli ilə ağzından tutaraq qucağına götürüb, seksual hərəkətlər edib.

Ertəsi günü yenə də həmin evdə Telmanın digər yetkinlik yaşına çatmayan övladı Cəmalənin həyətdə tək olduğunu görüb, ona qarşı da iyrənc hərəkətlər edib.

İstintaq orqanı tərəfindən Zaurun barəsində Cinayət Məcəlləsinin 150.3.3-cü (on dörd yaşına çatmayan şəxs barəsində seksual xarakterli zorakılıq hərəkətləri törətmək) maddəsi ilə ittiham elan edilib.

Cinayət işi üzrə təqsirləndirilən şəxs qismində ifadə verən Zaur ona elan olunmuş ittiham üzrə özünü təqsirli bilib. O, ifadəsində göstərib ki, Telman onun arvadı Sonanın qardaşı oğludur və onun yaşadığı Oğuz rayonunun kəndinə gedib-gəliblər: “Telmanın evində qaldığım zaman onun Nəcibə və Cəmalə adlı qızlarına qarşı seksual xarakterli hərəkətlər etmək istəmişəm.

2023-cü il iyul ayının sonlarında arvadım Sona ilə birlikdə onun anasının yas mərasimində iştirak etmək üçün Oğuz rayonuna getdik. İyulun 30-da saat 18 radələrində Telmana məxsus evin həyətində olarkən gördüm ki, Nəcibə həyətdə təkdir.Ona seksual xarakterli hərəkətlər etmək istəyim yarandı. Yaxınlaşaraq onu həyətdə olan yarımçıq tikiliyə apardım.

Nəcibəni oraya aparmaq üçün əzizlədim, gözəl, ağıllı qız olduğunu dedim. Ona oyuncaq alacağımı bildirdim. Nəcibəni qucağıma alaraq yarımçıq tikiliyə daxil oldum. Bizi heç kimin görmədiyinə əmin olduqdan sonra bir əlimlə Nəcibənin ağzını tutdum, digər əlimlə seksual hərəkətlər etdim. Nəcibə müqavimət göstərdiyini gördükdə isə istədiyim həzzi aldıqdan sonra hərəkətlərimi dayandırdım.

Nəcibəyə baş verənlər barədə heç kimə heç nə deməməsini, bunun əvəzində ona oyuncaq alacağımı bildirdim”.

Təqsirləndirilən şəxs qeyd edib ki, iyulun 31-də saat 18 radələrində Telmanın digər qızı Cəmalənin tək olduğunu görüb və yenə ehtiras hissi oyanıb: “Yaxınlaşıb onu qucağıma götürdüm, oyuncaq alacağımı vəd verərək evin həyətində olan fındıq bağına tərəf apardım.

Ağacların arasında bizi heç kimin görmədiyinə əmin olandan sonra bir əlimlə Cəmilənin qışqırmaması üçün ağzını tutdum, digər əlimlə isə intim hərəkətlər etdim. Cəmalə ilə istədiyim həzzi alandan sonra hərəkətlərimi dayandırdım. 

Cəmalə və Nəcibəyə qarşı seksual xarakterli hərəkətlər edərkən heç kimin bunu görmədiyinə əmin olmuşam, bu barədə özüm də heç kimə deməmişəm. Törətdiyim əməldən peşmanam”.

İş üzrə zərərçəkmiş Nəcibənin sözlərinə görə, Zauru qohum kimi tanıyıb, bir neçə dəfə onların evində qalıb: “İyulun 30-da saat 18 radələrində yaşadığım evin həyətində oynayarkən Zaur məni tək gördü, kənara çəkdi. Məni həyətimizdə yeni inşa olunan yarımtikiliyə apardı, paltarımın altından mənə qarşı iyrənc hərəkətlər etməyə başladı. Qışqırmaq istədim, əliylə ağzımı tutdu.

Etdiyi hərəkətləri ata-anama deyəcəyimi bildirdim. Hadisə barədə heç kəsə heç nə deməsəm, mənə oyuncaq alacağını söylədi. Bacım Cəmalə ilə söhbət edərəkən Zaur dayının ona qarşı da belə hərəkətlər etdiyini bildirdi. Bacımla danışarkən anam bizim səsimizi eşitdi və bu barədə atama danışdı”.

İş üzrə şahid qismində azyaşlı zərərçəkmişlərin anası da ifadə verib. O, ifadəsində göstərib ki, Zaur Mingəçevir şəhərində yaşayıb, Oğuz şəhərinə gələndə onların evində qonaq qalıb: “Qızlarım mənimlə danışarkən Zaurun onlarla iyrənc hərəkətlər etdiyini bildirdilər. Dərhal ərim Telmana məlumat verdi.

Telman əvvəl el-oba arasında rüsvay olmamağımız üçün polisə məlumat vermədi. Daha sonra Zaurun azyaşlı uşaqlara qarşı etdiyi hərəkətlərin ciddi məsələ olduğunu nəzərə aldıq və polis şöbəsinə gedərək bu barədə məlumat verdik”.

Cinayət işinə Şəki Ağır Cinayətlər Məhkəməsində baxılıb. Məhkəmənin hökmü ilə Zaur 11 il müddətinə azadlıqdan məhrum edilib. Cəzanın ciddi rejimli cəzaçəkmə müəssisəsində çəkilməsi müəyyən olunub./Teleqraf