Dustağın su saatı

... Bu boyda rollar oynadım,
seçmədin məni kumir.
Vaxtımın
su saatında
bitdi ədəbi təmir.

Duş altında işə düşdü
sabun, süngər oyunu.
Xaç suyuna
çəkib, sərdim
bu hamamın suyunu.

Məndən keçib, təmizləndi,
durulub gəzdi əl - əl.
Bu suda
yuyunmaq üçün
bu suyu yudum əvvəl.

Daşındım su yaddaşına,
kölgələndim
divarda.
İlk dəfə düşündüm səni
öz beynimdən
kənarda.

Mahir Mehdi