“Bu il avqustun 30-da, saaat 16.00-da Ahıl Ziyalılara Qayğı İctimai Birliyinin İmişli rayonunda bələdiyyələrlə bağlı yığıncağının təşkilatçılığı mənə həvalə olunmuşdu. Cəmiyyətin sədri, ağsaqqal Nurullayev Nəsrulla, hüquqşunası Rəsulov Azər saat 11.00-dan da İmişlidə qonaq idilər. Saat 12.10-da İmişli rayon Polis şöbəsinin əraziyə təhikm edilmiş əməkdaşı Mehman adlı çavuş bizim oturduğumuz çay evinə yaxınlaşdı”.

Bu fikirlər “Gündəm Xəbər”ə ünvanlanmış şikayət məktunuda yer alıb. Qeyd edək ki, məktubu tanınmış jurnalist,İmişli şəhəri L.Vəliyev küçəsi, 38 saylı ünvanda yaşayan Məhbub Zülfüqarlı yazıb.

O, redaksiyamıza göndərdiyi müraciəti eyni zamanda Azərbaycan Prezidenti İlham Əliyevə, Baş prokuror Zakir Qaralova və Daxili İşlər naziri Ramil Usubova da ünvanlayıb.

Məhbub Zülfüqarlının yazdığına görə, onlara yaxınlaşan polis çavuşu İmişli Rayon Polis Şöbəsinin rəis müavini Habil müəllimin təcili şəkildə jurnalisti gözlədiyini bildirib: “Polis çavuşu dedi ki, mütləq getməlisiniz. Mənsə getmək imkanım olmadığını, Bakıdan, Saatlıdan qonaqlarım olduğunu, tədbir keçirdiyimi bildirsəm də, mümkün olmadı. Hissiyyatım məni xəbərdar etdi ki, əgər getməsəm, məni polisə müqavimət maddəsi gözləyir. Polis sahə rəisimiz də bildirdi ki, mütləq get, 15 dəqiqə ərzində izhat verib, qayıdacaqsan. Ağsaqqal Nəsrulla, hüquqşunas Azər, Saatlıdan qonaq gələn Nəsrəddin bəy xahiş etsə də, mümkün olmadı. Qonaqlar da məni müşayət edirdi”.


Polisin israrından sonar Məhbub Zülfüqarlı şöbəyə getmək qərarına gəlib: “ Polis rəisinin müavini Habil müəllimin otağına daxil olanda, məni təhdid, təhqir, şantaj edən “Tikinti Kralı” Əvəz Şükürovun bütün İmişlidəki əmlakını adına keçirdiyi Cuyhun Quliyevin şəstlə içəridə oturmasını gördükdə, aydın oldu ki, polis rəisinin müavini tədbirimizi pozmaq niyyətindədir. 15 dəqiqə söhbət etdikdən sonra rəis müavini bütün avtomobil müfəttişlərini içəri dəvət etdi və dedi: “Bunu tanıyırsınızsa əl görüşün”. Hamısı bir-bir görüşüb: “Ağsaqqaldır, jurnalistdir, yaxşı insandır” deyəndə rəis müavini mənə “Bunların hansı sənə nə deyib” deyə soruşdu. Mən dərhal başa düşdüm ki, iş MTN-çilərin sifarişi, planıdır, rəis müavini Əvəz Şükürovun oğlu, MTN genralı Movla Şixəliyevin köməkçisi Bayram Şükürovun sifrişini yerinə yetirir. Mənim şikayətim qalıb kənarda, rəis müavini tədbiri pozmaqda israrlıdır”.


Məhbub Zülfüqarlı yazır ki, o, rəis müavinindən polislərin məsələyə nə dəxli olduğunu soruşub: “Bu zaman “Avtoyol” rəisi Şükür Aslanov içəri daxil oldu, keçib mənimlə üz-bəüz əyləşdi və “Sən niyə mənim oğlumu təhqir etmisən” dedi. Etika xatirinə məsələni ağartmıram, dünyasını dəyişmiş bir mərhum gəncin ruhunu bunlar öz planları xatirinə incitmək istəsə də, məsələnin qapadılması, düz bir saat çəkdi. Əvəz Şükürov Şükür Aslanov guya dostdurlar. Bildim ki, Əvəz Şükürov da gələcək. Narkotik aludəçisinə bənzəyən Ceyhun Quliyev mənə təsadüfən “Əəvz Şükürov İmişli məhkəməsinin sədri, rəislə dostdur, şikayət etsən, səni həbs edəcəklər, türmədə isə başına oyun açdıracaq” deməmişdi. Mən Şükür Aslanova bir neçə kəlmə söz dedim. Bildirdim ki, mən özümü həbsxanaya da hazırlamışam, inanmazdım bu qədər irəli gedib, qanunları ayaq altına salıb, tapdalasınlar, ayıbdır, sənə qarşı harda söyüş yazmışamsa, üzr istəyirəm, qonaqlarım gəlib, RİH-nin başçısı, müavinləri, rəsmiləri də bilir və icazə veriblər, hətta Prezident Administrasiyasının rəsmiləri də bilir, tədbiri keçirək, sonra həbs etdirərsiniz, həbsxanada razborkanı Əvəz Şükürov özü gəlib aparar”.


Məhbub Zülfüqarlı yazır ki, Ceyhun onun bu sözlərindən əsəbiləşib və təhqirə başlayıb: “Rəis müavininə və “Avtoyol” rəhbərinə “Uşağınızın cilovunu çəkin, Allahdan qorxun, onsuz da qanunlar əllərinizdə plastilindir, tədbirdən sonra məhkəməyə apararsız, bu nümayəndəniz mənə hər şeyi bu il iyulun 23-də, saat 13. 10-dan 14.28-dək telefonda şöyüş, təhqir və şantajla izah edib.


Şükür Aslanov məsələnin ciddi olduğunu görüb Əvəzin “sahibkarına” təpindi və ayağa durdu, məni çox ciddi başa düşdü. O, “Mən adam tutduran deyiləm, Allah şeytana lənət eləsin” deyib zala çıxdı. Ceyhun Quliyev isə rəis müavininin otağında şirə dönmüşdü, bunlar elə bilirdi ki, mən müxalifətdəyəm. Bir cümlə işlətdim: “Bəndəniz müxalifətdən rəsmən çıxıb, qəlbən müxalifətçiyəm, uduzmusunuz, tədbirimiz isə dövlət tədbiridir”. Həmin gün düz saat 14.30-a qədər Əvəz Şükürovun dostu Habilin girovu oldum. İçəri bir müstəntiq girdi və məni nəzərdə tutaraq dedi ki, ağsaqqal düz deyir, Ceyhun at oynatmamalı, cəzalandırılmalıdır”. Bilmirəm nə məqsədə dedi. Habil ağ kağız uzatdı və “Barışıq ərizəsi yaz, qutarsın getsin”dedi. Nə istəyirsiz yazın, mən imza edərəm, təki tədbir pozulmasın deyə imzalayıb,onlara verdim. Bayırda, məni onlara yaxın adamlar və dostlar gözləyirdi. Şükür Aslanovu görsəm yenə də “ağsaqqal, səni oyuna salıblar, belə oyuna ağsaqqallığına görə bir də cəlb edilməyinə imkan vermə”deyərdim”.



Daha sonar jurnalist yazır: “Hörmətli cənab prezident! Polis əgər mənim kimi ömrünü siyasət və qovğalarda keçirmiş birini, jurnalisti bu qədər aşağılayırsa, bu ölkənin adi vətəndaşına açıq və gizli psixoloji təzyiq və işgəncənin miqyası ölçüyəgəlməzdir. Odur ki, sifariş yerinə yetirib mənə mənəvi-psixoloji işgəncə verən, məni təqib etdirən İmişli RPŞ-nin rəis müavini Habilin əməllərinə qiymət verilməsini xahiş edirəm.

1)O, avqustun 30-da məni qeyri-qanuni olaraq 3 saat həbs edib, DAM üzvləri və “Avtoyol” rəislərinin psixoloji təzyiqlərinə məruz qoymaq, onları aldadıb mənə qarşı qaldırmağa cəhd edib.


2) 2005-ci ildə Habil İmişli bazarının polis sahə rəisi ikən Ağacanov Hacı Tofiqin başına gətirdiyi oyunlara görə cavab verməlidir. Bu təqibdə iştirak edən İmişli- Gəncə mikroavtobusunun sürücüsü Adil Salmanov hadisədən 20 gün sonra xəcalətdənmi, vicdan hissindənmi dünyasını dəyişdi. Xahiş edirəm ki, Ağacanovun vəkili olmuş qardaşım Davud Zülfüqarovun, 79 saylı İmişli DSK üzvünün şikayətləri araşdırılsın.

3) Əvəz Şükürov və Aslan Şükürovun aeroportda, Şükür Aslanovun evinin yaxınlığında Habilə tikdirdikləri 3 mərtəbəli villanın hansı xidmətinə görə tikilməsinə aydınlıq gətirilsin”.
Mirzə