"Gül-Gün" sahibkar müəssisəsinin rəhbəri Niyazov Niyaz Novruz oğlu redaksiyamıza müraciət edib. O, İmişli rayonunun İcra Hakimiyyətinin başçısı Vilyam Haciyevdən şikayətçidir. Şikayətçi bildirir ki, yazdıqlarının doğru olduğunu məktuba əlavə etdiyi sənədlər sübuta yetirir.

Daha sonar sahibkar qeyd edir:”Hörmətli redaksiya! Siz tez-tez dövlət məmurlarının, sahibkarların, biznes adamlarının sıravi Azərbaycan vətəndaşlarının başına gətirdikləri hadisələrlə bağlı məlumatları çap edirsiz. Sizin belə məqalələri işıqlandırmağınız sıravi vətəndaşları az da olsa qane edir. Düzdür,hamı anlayır ki, əvvəllər olduğu kimi yazılan faktlar doğru olarsa belə həmin dövlət məmurunu dərhal tutduğu vəzifəsindən uzaqlaşdırmayacaqlar. Amma buna baxmayaraq, məqalə dərc olunanda, şikayətçilər az da olsa təsəlli tapırlar. Elə məmur var ki, onun barəsində bəlkə də 100-lərlə fakt olan şikayət məktubları saytlarda dərc olunub, ancaq onun heç vecinə də deyil. Öz vəzifəsində yenə də çalışır, hələ vətəndaşları, biznes və sahibkarlarə əvvəlkindən də çox incidir, onların başına olmazın oyunları açır, ancaq nəticədə yenə də kefindədir. Buna baxmayaraq, baş vermiş ədalətsiz hadisələri heç olmasa, internet qəzetləri işıqlandırsalar, bəlkə həmin dövlət məmurları özünü bir qədər yığışdırar”.

Şikayətçi bildirir ki, sahibkarların başına min oyun açan məmurlardan biri də İmişli rayonunun İcra Hakimiyyətinin başçısı Vilyam Haciyevdir: “O, Xanlar rayonunda icra başçısı vəzifəsində çalışarkən "Gül-Gün" sahibkar müəssisəsinin sahibkarının başına gətirdikləri barədə bütün Azərbaycan xalqına məlum olsun deyə, bu şikayət məktubunu sizə yazıram. İndi yazacaqlarım sizin qəzetdə dərc olunandan sonra nəinki sizlərə, hətta bütün dünyaya məlum olacaq ki, Vilyam Hacıyev Xanlar (indi Göygöl) rayonu İHB-sı vəzifəsində çalışarkən yalan məzmunlu məktub yazmaqla "Gül-Gün"sahibkar müəssisəsinin fəaliyyətinin dondurulmasına, deaktivləşməsinə çox asanca nail oldu. İndi isə bu ədalətsiz, nahaq görülən işin necə baş verdiyini sizlərə anlatmaq istəyirəm”.


Şikayət Niyaz Niyazov yazır: “
Azərbaycan xalqının nümayəndələri, hamıya məlum olsun ki, Vilyam Hacıyev əvvəllər Gəncə hava limanında bizlərin tabeliyində çalışarkən mənim ona heç bir pisliyim keçməyib. Onunla insani münasibətimiz tam normal olub. Nədənsə, Gəncə hava limanından uzaqlaşandan sonra İHB-sı vəzifəsinə sahib olan kimi mənim sahibi olduğum "Gül.-Gün." sahibkar müəssisəsinə düşmən kəsildi. Əlində heç bir əsası olmadan yalan məzmunlu məktub yazıb yuxarılara yolladı.Onun yazdığı məktub hüquqi cəhətdən tam qanunsuzdur. Mənim sənədlərimin hamısı tam qaydasındadır.Vilyam Hacıyev və bir neçə digər dövlət məmurları 20 ilə yaxındır ki, həmin vəzifələrdə çalışırlar. Mən isə yalan məzmunlu məktub əsasında tam müflisləşmişəm. Ailəmin maddi durumu hal-hazırda ən kritik həddə çatıb. Bütün bu çətinliklərə baxmayaraq, hələ də birtəhər nəfəs ala bilirik. Güman edirəm ki, yaxın vaxtlarda dövlətdən hal-hazırki dövrün tələblərinə uyğun olaraq "Gül.Gün." sahibkar müəssisəsinə aid olan kompensasiyanı alacağam və sahibkar müəssisəmin fəaliyyətinə start verəcəyəm. Nəhayət,haqsızlığa son qoyulacaq və ədalət qalib gələcəkdir!!! Indi isə baş verənlərin hamısı ilə tanış olun. Mən, Niyazov Niyaz Novruz oğlu 1992-ci ilin noyabr ayında "Gül.-Gün."sahibkar müəssisəsini qurmağa başladım və Ədliyyə Nazirliyində qeydiyyatdan keçirdim.1993-cü ildə müəssisənin ictimai-iaşə və s.obyektlərinin tikinti işlərini həyata keçirməkdən ötrü Gəncə aeroportunun lap yaxınlığında olan Xanlar rayon Bağmanlar sovxozunun ərazisindən 1.5 ha Xanlar rayon İHB-sının sərəncamı və Xanlar rayon XDS-nin qərarı ilə torpaq sahəsi götürdüm.Tez bir vaxt ərzində həmin ərazidə müəssisənin tikinti işlərini başlatdım.Tikintinin xeyli hissəsini həyata keçirmişdim.Davam etdirməkdən ötrü pul gözlədiyimiz bir vaxtda Gəncə aerovağzal kompleksinin yenidən tikintisi məsələsi gündəmə gəldi.Müəssisəmin ərazisi bütövlüklə yeni tikilməkdə olan Gəncə aerovağzal kompleksinin ərazisinə düşdüyü üçün sənədlərimi hazırlayıb dövlətdən kompensasiyamı almaq qərarına gəldim. Bu da mümkün olmadı. Elə həmin vaxt Xanlar rayon İHB-sı Vilyam Hacıyev yalan məzmunlu məktub yazaraq Azərbaycan Hava Yollarına yolladı. Məktubunda qeyd etmişdi ki,guya 1.5 ha torpaq sahəsində tikinti işləri aparmaq üçün İHB-nın sərəncamı olmayıb. Nəzərinizə çatdırım ki,Vilyam Hacıyev bunu yazmazdan əvvəl mənimlə heç bir söhbət belə aparmamışdı.Mən bu işlə əlaqədar olaraq onun qəbulunda olub soruşanda ki,niyə belə qansızlıq edirsən. Vilyam Hacıyev sakit baxışlarla üzümə baxıb mənə anlatmağa çalışdı ki, belə olmalıdır. Onun bu məktubu əsasında Azərbaycan Hava Yollarının rəhbərliyi mənə cavab yolladı ki, guya sənədlərim qaydasında olmadığı üçün kompensasiya ala bilmərəm. Əslində bu məsələylə əlaqədar olaraq Azərbaycan Hava Yolları rəhbərliyi mənimlə görüşməli idi. Ona görə ki, kompensasiya ala bilməməyimdən tam narazı idim. Narazılıq olan işi bir məktubla həll etmirlər. Elə həmin vaxt elə bil iy bilirlər kimi Gəncənin bu işlə məşğul olan bir neçə qruplar hava limanında gözləyirdilər.Vəziyyətdən belə anlamaq olur ki,həmin qruplara bu işlər barədə məlumat vermişdilər deyə onların hamısı həmin an Gəncə aerovağzalının qarşı tərəfindəki ağaclıqda olan çayxanada oturub gözləyirdilər. Kompensasiya almaq üçün rədd cavabını alandan sonra o zaman külli miqdarda pul xərclədiyim müəssisəmin tikililərini qəpik-quruşa satmağa məcbur qaldım. Ona görə ki, Gəncə Hava Limanının direktoru dirənmişdi ki, “obyekti təcili yığışdırmalısan.Cahangir Əsgərov deyir ki, yoxsa bulduzerin ağzına veriləcəkdir”. Mənim müəssisəmin tikililərinin belə hallara düşməsində birbaşa Vilyam Hacıyev günahkardır”.

Sahibkar bu illər ərzində tamamilə müflisləşdiyini bildirir: “Vilyam Hacıyevin günahı ucbatından "Gül.-Gün."sahibkar müəssisəmin fəaliyyəti deaktivləşməli oldu. Bizim dövlət məmurları sahibkarın başına belə oyunlar gətirirlər və heç “of” da demirlər.Elə bil ki, belə də olmalıdır. Onların xətirlərinə də indiyə kimi heç kim dəyməyib.Vəzifə sahibi olanda gözləri ayaqlarının altını seçmir. Düşünürəm ki, bu hal insan bədbəxtçiliyidir.Mənim müəssisəmin fəaliyyətinin deaktivləşməsinin səbəbkar və havadarları hələ də vəzifə başındadırlar deyə fəaliyyətə başlamaq qeyri-mümkündür. Hətta fəaliyyətə başlamaq üçün pul götürməyə belə tam maneçilik törətdirirlər.Vilyam Hacıyev sifarişi(onun o vaxt mənə verdiyi cavabdan elə anlamışdım)vaxtında və dəqiq yerinə yetirdi. Elə ona görə hələ də vəzifə başındadır. Daha doğrusu, həmin insanlar ona maneçilik törətmədilər. Sifarişçiləri mən tanımıram, ancaq Vilyam Hacıyev yəqin ki, dəqiq bilir.Elə düşünürəm ki, Allah belə məmurların gərəkli paylarını verəcək və sahibkarlar da öz fəaliyyətlərinə başlayacaqlar”.
Samir

"Gündəm Xəbər"