Surəti: “Gündəm” qəzetinin direktoru cənab Ç.Cəfəri

1951-ci ildə Bərdə rayonunda anadan olmuşam, ali təhsilliyəm. Qarabağ mühiribəsinin veteranıyam, əliləm, ailəliyəm - 7 nəfər ailə üzvüm var, təqaüdçüyəm, Bərdə rayonu Mirzalıbəyli kəndində yaşayan Fətəliyev Cəmil Fətəli oğlu və Bərdə rayon Mirzalıbəyli kəndində kirayəşin yaşayan, ali təhsilli, işsiz, 7 nəfər ailə üzvü olan Fətəliyev Murad Cəmil oğlu tərəfındən

ƏRİZƏ

(Bu 8 il, 2 ayda müxtəlif tarixlərdə yazmış olduğumuz, 332 ərizəmizə cavab verilməməsi və bu barədə Hörmətli Prezidentimizə yazmış olduğum ərizəyə əsasən, Bərdə rayon İH-nin Başçısı Vidadi İsayev, eyni zamanda onun yaxm adamları tərəfdən bizi təqib edilməklə, yoxlanılmaqla, tutdurmaqla hədələtdirməsi barədə)

Hörmətli Prezident! Cənab direktor!

Mən, ali təhsilliyəm, Qarabağ müharibəsinin veteranıyam, əliləm. Təbriz şəhərində ürəkdən əməliyyat olunmuşam. Qaraciyərimdə serroz var. Böyrəklərim xəstədir, yüksək təzyiqim var və buronxitəm.

Həyat yoldaşımda xəstədir, 2 dəfə əməliyyat olunub. 1-ci dəfə Bakı şəhərində onkoloji xəstəxanada, 2-ci dəfə isə Təbriz şəhərində əməliyyat olmuşdur. Özü də şəkər, ürək, yüksək təzyiq və onkoloji xəstədir. Bizim bu iki əməliyyatı olunmağımıza “Nikoyl” bankdan 18.000 manat AZN pul götürüb vermişik.

Hörmətli Prezident! Cənab direktor!

Demək olar ki, bizim günümüz həkimlərdə, xəstəxanalarda və apteklərdə keçir. Biz, Sizin köməklikliyiniz sayəsində, bu xərcləri birtəhər təqaüd pulumuzla veririk. Çox vaxtı banka pul borcumuz qalır. Mənim bundan heç bir şikayətim yoxdur. Buna görə də Sizə öz minnətdarlığımızı və təşəkkürümüzü bildiririk. O bir Allahdan arzu edirik ki, həmişə sağlam canla Prezidentimiz olasınız. Siz Ulu Öndərimizin layiqli davamçısınız.

Hörmətli Prezident! Ancaq, mənim oğlum Fətəliyev Murad Cəmil oğlu 2003-cü ildə Bakı şəhərində Azərbaycan Kooperasiya Universtitetini bitirmiş və ali təhsil almışdır. Oğlum Murad Fətəliyev ailəlidir - 7 nəfər ailə üzvü var. Beyləqan rayonunda döyüş bölgəsində hərbi xidmətini başa vurmuşdur. Hazırda heç bir yerdə işləmir.

Oğlum Mıırad Fətəliyev, işsizİiyi barədə Bərdə rayon İcra Başçısı cənab V.İsayevə və Bərdə rayon Məşğulluq Mərkəzinə bir neçə dəfə ərizə ilə müraciət etmişdir. Lakin bu günə kimi heç bir cavab almamışıq və nəticəsi olmamışdır.

Oğlum Murad Fətəliyevin 34 yaşı var. Bəs ona nə vaxt iş verəcəklər ki, o işləyib 7 nəfər ailəsini dolandırsın və yaşamağa özünə ev tikdirsin? Hələ də Muradın yaşamağa evi yoxdur!

Biz də bilmirik ki, verilmiş təqaüd pullarımızla özümüzü müalicə etdirək, dərman alaq, götürdüyümüz krediti verək, yoxsa oğlum Muradın özünün və 7 nəfər ailə üzvünü saxlayaq. Bizə çox çətindir, yaşamaq və dolanmaq. Nəyə görə? Ona görə ki, Murad işsizdir. Bütün xərcləri mən təqaüd pulumla ödəyirəm.

İndi rayonda olan bəzi vəzifəli məmurlar, pulumuz olmadığına görə bizə iş və nə də icarəyə torpaq vermirlər. Deyirlər hamısı, yəni pul, torpaq, vəzifə, bizim və qohumlarımızın olsun. Heç ərizəmizə də qanunla baxıb cavab vermirlər və köməklik əvəzinə ərizələrimizi göndərirlər Məşğulluq Mərkəzinə.

Bizim də ömrümüz yuıxarıda göstərdiyim kimi, bu cür xəstəliklə bu gün-sabahlıqdır. Bəs oğlum Murada nə vaxt iş verəcəklər, bilək ki, bizdən sonra o, ailəsini saxlaya biləcək. Rayonda olan məmurlar bu gün-sabah Murada iş verəcəklər deyərək 8 ildır ki, bizi aldadırlar. Bərdə rayon İcra Başçısının birinci müavini cənab V.Qarayev deyir ki, iş yoxdıır. Əgər iş yoxdursa bu 8 ildə yoxlayın görün neçə nəfərə iş və icarəyə torpaq veriblər. Əksəri də başçı cənab V.İsayevin Tərtər, Yevlax rayonlarından işə qoyduqları dostları və qohumlarıdır. Hətta biz özümüz də Bərdə rayonunda hansı idarələrdə iş yeri boşdur onlara demişik. Ancaq elə bil ki, guya sözii eşitmədilər və heç bir söz demədilər.

Pulumuz yoxdur deyə bizə iş vermirlər və heç sözümüzü də guya eşitmirlər.

Ərizəmizin Hörmətli Prezidentimizə çatması ücün ərizəmizi müxtəlif adlı qəzetlərdə, eyni zamanda, 14.09.2016 tarixdə, “Region”,”Gündəm“,”Teref İnfo”, 27.09.2016-cı il tarixdə “Palitika.az” və başqa saytlarda ərizələrimiz çıxmışdır. Həmin gün təxminən saat 17:25 radələrində mənə 050-389-00-04 nömrəsindən zəng gəldi. Həmin şəxs mənə dedi ki, Bərdə rayon İH başcısının köməkçisi Anar Hətəmovdur və 15.09.16 tarixdə saat 10:00 radələrində cənab V.İsayev bizi qəbula çağırır. Həmin gün mən də oğlum Muradla getdik başcı cənab V.İsayevin qəbuluna. Başçının gözləmə otağının qarşısında duran köməkcisi Anar bizə dedi ki, cöldə gözləyin. Biz təxminən 40-50 dəqiqə çöldə gözləyirdik ki, Anar gəlib bizə dedi: başcı cənab V.İsayev sizi qəbul etməyəcək. Bu vaxt cənab İsgəndər İsmayılov bizi otağına çağırdı.

Cənab İsgəndər İsmayılov iş otağında mənə dedi ki, sən yaşlı adamsan, bilmirsən oğlun Murada pislik edərlər. Sən, Hörmətli Prezidentimizə cənab V.İsayevdən şikayət ərizəsi yazmısan, ona nə deyəcəklər? Pul onlarda, vəzifə onlarda, şər atıb oğlunu tutdurarlar və başqa bu kimi ifadələrlə bizə hədə-qorxu gəldi. Əgər bunu bir də yazsan, çox əzablar çəkəcəksiniz və başınız ağrıyacaq. Bunu göstəriş verib, bizə hədə-qorxu gəlməsini təşkil edən Bərdə rayon İH başcısı cənab V.İsayevdir. Cünki zəng etdirib bizi Bərdə rayon İH

cağıtdıran cənab İsayevdir, qəbul etməyən də cənab V.İsayevdir. Bizə Bərdə rayon İH-də hədə-qorxu gələn şəxs isə onun işcisi cənab İsgəndər İsmayılovdur. Bizim həyat və səhhətimiz cənab V.İsayev və onun adamları tərəfindən təhlükə altına alınıb, eyni zamanda bizi təqib etdirir və incidir. Səbəb də odur ki, oğlum Murad 8 ildə ailəsini dolandırmaq üçün ondan münasib işlə təmin olunmağına görə Hörmətli Prezidentimizə şikayət ərizəsi yazıb. Bizim qorxacaq yerimiz yoxdur, cünki 8 ildir ki pulsuz, işsiz və evsiz azad1ıqda olmaq həbsdə olmaq kimidir.

Cənab V.İsayev bizim ərizələrimizi bağlamaq ücün görəsən hansı saxta yalançı məlumatları Arayış1a yazıb göndərir. Bu saxta arayışları da başcı cənab V.İsayev özü iIə birgə Tərtər rayonundan İH-də işə gətirdiyi, ərizə basdırmaq üzrə mütəxəssis, İsgəndər bəyə həvalə edib. Əgər bu arayışları İsgəndər bəy düzgün tərtib edirsə, nə ücün bizə sürətin vermirlər. Biz bu 8 ildə 332 ərizə və şikayətimiz bu məzmunda müxtəlif rəhbər orqanlara yazıb göndərmişik. Nəticəsi isə İsgəndər bəyin ya1ançı arayışları hesabına bağlanıb. Bizə də ərizəmizin nəticəsi barədə cavab verilməyib.

Görün cənab V.İsayev oğlum Murada bu 8 ildə iş vermək əvəzinə hansı çirkin əməllərə əl atır. Əgər mənə və oğlum Murada nəsə olsa bilin ki, bunu cənab V.İsayev etdirib. Ancaq mən düşünürdüm ki, cənab V.İsayev savadlı, işgüzar, tələbkar, bacarıqlı və gənclərin qeydinə qalan bir insandır. Təəssüf ki, gördüyüm bunun əksi oldu. Ancaq cənab V.İsayev bu cür yazışmaları və şikayətləri artırmaqdansa Muradı münasib bir işlə təmin etməsi yaxşı olardı. Bu Allaha da xos gedərdi, bəndəyə də ki, nəhayət 8 ildən sonra Murada iş verilib ki, o, işləyib ailəsini dolandırsın. Görəsən onların özlərinin 8-10 il işsiz, pulsuz və yaşamağa evləri olmasaydı, nə edərdilər? Axı, biz torpaqlarımızın bütövlüyünün, dövlətçiliyimizin, müstəqilliyimizin uğrunda canımızı, qanımızı və sağlamlığımızı qoymuşuq. Budurmu Bərdə rayon İH-nin başcısının Qarabağ veteranına, əlilinə qoyduğu qayğı və köməklik.

Hörmətli Prezident! Cənab direktor!

Sizdən xahiş edirik, Murad Fətəliyevi münasib işlə təmin olunmasına köməklik göstərəsiniz.

İmza:

Fətəliyev Cəmil Fətəli oğlu

Fətəliyev Murad Cəmil oğlu

Tel.: 050-341-59-23

28 oktyabr 2016