Sosial müdafiə sektorunda ünvanlı sosial yardımın verilməsiylə bağlı 4 ay əməkdaşın, 8 ay “sosial müdafəyə ehtiyacı olanındır” prinsipini məncə ölkədə bilməyən yoxdur.
Elanrə xanım təsis etdiyiniz təşkilatın adı sanki tənqidi xarakter daşıyır… - Biz təşkilatın adını tərəfdarımızla birlikdə ortaq qərarla bu cür adlandırmışıq və təbii ki, burada bir zərurət də var. Çünki, Azərbaycanda insan hüquqlarıyla bağlı vəziyyət yaxşı deyil. Ümumiyyətlə vətəndaş cəmiyyətinin durumu ağırdır. Qəzetlər var ki, ölkədə ağır cərimələrə məhkmum qalıb. Yalnız bir neçə müstəqil portal və ya saytlar var ki, onların redaktorları ölkəni tərk etmişlər. Qeyri-hökumət təşkilatlarının nümayəndələri müstəqil fikir bildirmirlər. Buna görə də biz bu təşkilatı təsis edərək müstəqil fikirli vətəndaş cəmiyyəti nümayəndələrini dəstəkləmək və ictimai maraqları müdafiə etmək fikrindəyik. Azərbaycanda ictimai maraqları müdafiə etmək çətinləşsə də, ümidlər tükənməyib. Buna görə də düşünürəm ki, bu cür təşkilatlar olmalıdır ki, heç olmasa məmurlar ictimai qınağı nəzərə alsınlar
Elnarə xanım, əsas problemlər deyərkən konkretləşdirsək nələri xüsusi vurğulaya bilərsiniz? – Azərbaycanda idarəetmə sistemində kifayət qədər problemlər var. Bu problemlərin başında korrupsiyaya uğramış məmur aparatı gəlir. Bütün strukturlarda korrupsiyaya alışmış personal fəaliyyət göstərir. Xəstəxanalar, mətəblər, polis, sosial müdafiə sektoru və s. rüşvətsiz keçinmirlər. Və bu sistemin başında bu rüşvət sistemini yaradan korrupsiya bürokratları var. Bu korrupsiya aparatı insanların haqlarını onlara satırlar. Konkret olaraq kifayət qədər misallar çəkmək olar. Adi inzibati xətaya görə polis əməkdaşları vətəndaşlardan 2000-2500 manat rüşvət tələb edir. Sosial müdafiə sektorunda ünvanlı sosial yardımın verilməsiylə bağlı 4 ay əməkdaşın, 8 ay “sosial müdafəyə ehtiyacı olanındır” prinsipini məncə ölkədə bilməyən yoxdur. Yol Polisi sektorundakı vəziyyət də göz qabağındadır. Qeyd olunan hallar hamının gözü qarşısında baş verir.
Elnarə xanım, təşkilatınızın qeydiyyatı və fəaliyyəti perspektivinə münasibətiniz necədir? - “Insan Hüquqları və Sosial Bərabərlik İnstitutu” İctimai Birliyi xeyli müddətdir təsis olunub və sənədlər Ədliyyə Nazirliyinə təqdim olunub. Lakin, biz dərhal təşkilatın qeydiyyata alınması perspektivinə o dərəcədə inanmırıq. Çünki, Azərbaycanda Ədliyyə Nazirliyi məqsədli olaraq illərdir Qeyri-Hökumət Təşkilatlarının qeydiyyatından imtina edir. Bu isə həm milli, həm də beynəlxalq qanunvericiliyə, o cümlədən insan haqlarının təməl prinsipi olan sərbəst toplaşmaq hüququna ziddidir. Azərbaycanda bu hüquq illərdir Ədliyyə Nazirliyi tərəfindən pozulur və bu hökumətin siyasi qərarıdır. Çünki, hökumət vətəndaş cəmiyyətinin güclənməsini istəmir. Vətəndaş Cəmiyyəti güclü olan zaman şəffaflıq, hesabatlılıq, azad düşüncəyə hörmət, siyasi və iqtisadi azadlıq tələb edəcək. Lakin biz hüququmuzun təmin olunması üçün məhkəməyə, hətta lazım olsa Avropa məhkəməsinə müraciət edəcəyik.