Azərbaycanda hakimiyyət çevrələri tərəfindən müxalifətin yeni birliyi olan Milli Şuranın Rusiyanın layihəsi olduğu barədə təbliğatın getdiyi bir vaxtda “Milyarderlər ittifaqı” kimi tanınan Ümumrusiya Azərbaycan Təşkilatları İttifaqının və Rusiya azərbaycanlılarının Milli-Mədəni Muxtariyyətinin (AzerRos) Ağsaqqallar Şurasının sədri Abbas Abbasovdan kifayət qədər sərt bəyanat yayılıb. “AzerRos”un saytında yerləşdirilmiş bəyanatda deyilir:

-Son bir neçə ayda baş verən hadisələr, Azərbaycanda Rusiyaya qarşı yönəlmiş həyasızcasına yalan kampaniyası-bütün bunlar məni Ümumrusiya Azərbaycan Təşkilatları İttifaqı və Rusiya azərbaycanlılarının Milli-Mədəni Muxtariyyəti, deməli bizim Rusiya Federasiyasında yaşayan həmvətənlərimizin əksəriyyətinin adından aşağıdakı bəyanatla çıxış etməyə məcbur etdi. Hansı ki, onların sayı nə az-nə çox, 2 milyon nəfərdən artıqdır.


Mən istəyirəm ki, Azərbaycanın bəzi siyasətçiləri, politoloqları, ekspertləri və jurnalistləri öz tarixi Vətənlərindən kənarda yaşayan, orada öz xalqının mədəniyyətini, incəsənətini, adət-ənənələrini təmsil edən hər bir həmvətəni qarşısında kəskin məsuliyyət hiss etsinlər.

Azərbaycanı müxtəlif səbəblərdən tərk etmiş və digər ölkələrdə, konkret olaarq Rusiyada yaşayan isanların taleyi ilə oynamağa son qoyun! Mənə aydın deyil ki, çoxmillətli Rusiya ilə bu qarşıdurma kimə lazımdır.

Fikirləşirsinizmi ki, sizin Rusiya Federasiyasına qarşı bu cür çirkin və iyrənc qoxuyan kampaniyanıza görə bizim həmvətənlərimizi hansı tale gözləyir? Bunu bilin ki, Rusiyadakı azərbaycanlıların əksəriyyəti orada normal həyatlarını yaşayır və onlar üçün ikinci vətənə çevrilmiş ölkədə əldə etdikləri ilə tam qane olur. Onlar Azərbaycanda siyasi situasiyasının destablizasiyasına aparıb çıxaracaq hansısa didişmələrdə iştirak etmək istəmirlər. Doğrudanmı sizin özünüzü seçkiqabağı mübarizədə göstərmək üçün başqa vasitələriniz qalmayıb? Siz çalışırsınız ki, Rusiyadakı azərbaycanlıların da haqları sizin “səyləriniz” sayəsində tapdalansın? Ona görə də onlardan əlinizi çəkin!

Rusiyanın sizin daxili işlərinizə nə dəxli var? Nəsə faydalı bir işlə məşğul olun və Rusiya Federasiyasında yaşayan azərbaycanlı millətini mənəvi cəhətdən məhv etməyi dayandırın. Buna nə qədər dözmək olar?!
Mən bizim həmvətənlərimizə müraciət edirəm! Əziz qardaş və bacılar! Biz bu ura-patriotlara başa salmalıyıq ki, bizim taleyimizlə oynamasınlar.

Korrupsiya və işsizlik kimi kəskin sosial problemləri həll etmək, ölkəni keyfiyyətli təhsil və tibbi yardımla təmin etmək əvəzinə onlar Rusiyanın qismində özlərinə düşmən uydurublar.

Bununla onlar düşünülmüş şəkildə Azərbaycanda ictimai-siyasi sabitliyi pozmaq istəyirlər, hansə ki, bu sabitliyin pozulması ağlasığmaz nəticələrə, xaosa aparıb çıxara-iki qardaş xalqı bir-birinə qarşı qoya bilər.

Biz rusiyalı azərbaycanlılar bununla bağlı qəti şəkildə etirazımızı bildiririk.

Biz qətiyyətli şəkildə KİV-lərdə yer alan uydyrmalar və təxribatçı fikirlərə etiraz edirik və məsuliyyətlə bəyan edirik ki, Rusiyaya qarşı heç bir çirkin kampaniya rus torpağında yaşayan azərbaycanlılar arasında dəstək tapmayacaq!

Son vaxtlar ÜATİ və “AzerRos” kimi təşkilatlar ideoloji və informasiya təzyiqləri qarşısında qalıb, Azərbaycan KİV-lərində onların barəsində misli görünməmiş böhtan kampaniyası aparılır.
Bizə məlumdur ki, bu isterik kampaniyanın arxasında kim dayanır. Onların adları Azərbaycanda da, Rusiyada da yaxşı məlumdur. Biz bilirik ki, bu kampaniyanı kim maliyyələşdirir və prosesləri kim idarə edir. Nəzarətlərində olan KİV-lər vasitəsilə onlar yalan məlumatlar yayırlar, azərbaycanlı icmasının liderlərini nüfuzdan salmaq üçün açıq-aşkar saxtakarlıqlar dərc edirlər, yeganə məqsəd azərbaycanlı icmasının liderlərini nüfuzdan salmaq, onların sıralarında parçalanma yaratmaqdır.
Bizim Rusiya Federasiyasında azərbaycanlı icmasını möhkəmləndirmək üçün ciddi planlarımız var, biz bundan sonra da burada öz mədəniyyətimizi, adət və ənənələrimizi möhkəmləndirməkdə, millətlərarası münasibətlərdə harmoniya yaratmaq üçün çoxsaylı layihələr reallaşdırmaqda, rus torpağında sülhün və barışın təmin olunmasında qərarlıyıq.

Bütün xalqımızın birliyini arzu edirəm!

Rusiya Federasiyasında yaşayan bütün azərbaycanlılar adından ÜATİ və “AzerRos” Ağsaqqallar Şurasının sədri Abbas Abbasov