İqtisadçı-ekspert: “Rublun indiki məzənnəsi real məzənnə deyil. Çünki bunun real məzənnə olması üçün məhdudiyyətlər aradan qalxmalıdır”.

“Sanki süni qaydada rublun məzənnəsini yüksəldərək Rusiyanın indiki hakimiyyəti öz əhalisinə mesaj verir. Hakimiyyət xalqa demək istəyir ki, narahat olmayın sanksiyaların bizə təsiri yoxdur və biz sanksiyalardan heç vaxt əziyyət çəkməyəcəyik”.

Bu sözləri iqtisadçı-ekspert Natiq Cəfərli Rusiyada rublun məzənnəsinin yüksəlməsinin nəticələrini PİA.az-a şərh edərkən qeyd edib.

Dünya Bankının 2022-ci il üçün proqnozlarına görə Rusiya iqtisadiyyatı 11 faiz kiçiləcək. Böyük Britaniyanın tədqiqat mərkəzlərinin hesabatlarına görə isə bu rəqəm 14 faiz civarında olacaq. DB-nın proqnozlarına görə isə təkcə Rusiya iqtisadiyyatı kiçilməyəcək, həm də Rusiyanın iqtisadi əlaqələri sıx olan dövlətlərin iqtisadiyyatında da əhəmiyyətli geriləmələr olacaq. Dünən Moskva birjasında rublun məzənnəsi son iki ildə rekord şəkildə möhkəmlənərək 67 rubla qədər yüksəlib. Bu gün isə rubl yenidən rekorda imza ataraq 1 dollara qarşı 66 rubl olub.

Müharibə şəraitində rublun kəskin qiymət itirməsi gözlənilirkən, rublla bağlı nə baş verir? Əgər bu məzənnə adminstrativ şəkildə təyin olunursa, onda Rusya Mərkəzi Bankı bununla nəyə can atır və rublun məzənnəsinin 2020-ci ilə səviyyəsinə gətirilməsi uzun vədədə inflyasiyaya və ümumilikdə iqtisadiyyata hansı təsirləri göstərə bilər?

Rubul ətrafında baş verən prosesləri PİA.az-ın əməkdaşı iqtisadçı-ekspert Natiq Cəfərli ilə müzakirə edib.

Natiq Cəfərli: “Rusiyada indi çox qəribə situasiya yaranıb. Rublun məzənnəsi möhkəmlənir, amma infilyasiya da artır”.

Bir müddətdən sonra məcburiyyət yaranacağını və rublun məzənnəsi ilə bağlı müxtəlif qərarların alınacağını proqnoz edən iqtisadçı-ekspert Natiq Cəfərli PİA.az-a bildirib ki, uzun zaman inzibati qaydada tənzimlənən məzənnə rejimi sonradan daha böyük fəsadların yaranmasına səbəb olacaq:

“Əslində rublun indiki məzənnəsi real məzənnə deyil. Çünki bunun real məzənnə olması üçün məhdudiyyətlər aradan qalxmalıdır. Bu gün Rusiyada kifayət qədər ciddi valyuta məhdudiyyətləri var.