ABŞ Dövlət katibinin Avropa və Avrasiya məsələləri üzrə köməkçisi Karen Donfrid İrəvandadır.

Gundemxeber.az APA-ya istinadən xəbər verir ki, bu barədə ABŞ-ın Ermənistandakı səfirliyi məlumat yayıb.
Bildirilib ki, amerikalı diplomat səfər çərçivəsində Ermənistanın Baş naziri Nikol Paşinyanla danışıqlar aparacaq, eləcə də digər rəsmi şəxslərlə görüşəcək.
Əlavə olunub ki, danışıqların gündəliyində Ermənistan və Azərbaycan arasında uzunmüddətli sülhün bərqərar olması üçün diplomatik səylərə ABŞ-ın yardımı da daxildir.
Qeyd edək ki, Karen Donfrid Ermənistandan əvvəl Azərbaycanda səfərdə olub.

GUNDEMXEBER.AZ