Azərbaycanın İnsan Hüquqları Mərkəzinin (AİHM) verdiyi məlumatda bildirilir ki, insan hüquqları müdafiəçisi və “Kür” Vətəndaş Cəmiyyəti Qərargahının üzvü cənab İlham Əmiraslanov həbsxanadan şərti azad edilib.

İnsan Hüquqları üzrə Beynəlxalq Federasiyasının (İHBF) və İşgəncələrə qarşı Ümumdünya Təşkilatının birgə proqramı olan İnsan Hüquqları Müdafiəçilərinin Mühafizəsi müşahidə məntəqəsi yeni məlumat alıb və Azərbaycanın aşağıdakı vəziyyətində sizin təcili müdaxilənizi tələb edir.

Yeni məlumat:

Aldığımız məlumata əsasən, 2013-cü il dekabrın 9-da cənab Əmiraslanov Sabirabad Rayon Məhkəməsi tərəfindən verilmiş 12 sentyabr 2012-ci ildə iki illik həbs cəzasının üçdə ikisini həbsdə keçirərək azad edilib.

Müşahidə məntəqəsi cənab Əmiraslanovun vaxtından əvvəl azad edilməsini alqışlayır və Azərbaycan hakimiyyətini ölkədəki bütün insan hüquqları müdafiəçilərinə yönəlmiş bütün təqiblərə, o cümlədən məhkəmə səviyyəsində gedən təqiblərə son qoymağa çağırır. Xüsusilə, müşahidə məntəqəsi xatırladır ki, azlıqların hüquq müdafiəçisi və Tolishi-Sədo (Talışın səsi) qəzetinin baş redaktoru cənab Hilal Məmmədov 2012-ci iyunun 21-də həbs edilmiş və 2013-cü il sentyabrın 27-də beş il müddətinə azadlıqdan məhrum edilib. Müşahidə məntəqəsi, həmçinin xatırladır ki, Azərbaycan Seçki Monitorinq Komitəsinin və Demokratiya Tədrisi Mərkəzinin (DTM) sədri cənab Anar Məmmədli istintaqın aparıldığı müddətdə həbsdə qalır.

Təqdimat məlumatı:

8 iyun 2012-ci ildə cənab Əmiraslanov Daxili İşlər Nazirliyinin Mütəşəkkil Cinayətkarlığa Qarşı Mübarizə İdarəsinin (MCQMİ) təhlükəsizlik agentləri tərəfindən həbs edilmişdi. O, sonradan Azərbaycan Respublikası Cinayət Məcəlləsinin 228.1maddəsi - “Qanunsuz olaraq odlu silah, döyüş sursatı saxlama” ilə ittiham edilmişdi. O, 2012-ci sentyabrın 12-də Sabirabad Rayon Məhkəməsi tərəfindən iki illik azadlıqdan məhrum edilmiş və 2013-cü il yanvarın 25-də Bakıdakı Apellyasiya Məhkəməsi hökmü qüvvədə saxlamışdı

Cənab Əmiraslanovun məhkəməsi və həbsi başdan-ayağa prosedür pozuntularından ibarətdir və ədalətli mühakimə qaydlarını izah edən qoyulmuş prinsiplər həyasızcasına pozulmuşdu. Onun məhkəməsi zamanı şahidlərin ifadə verməyi və jurnalistlərin iştirakı qadağan edilmişdi.

Cənab Əmiraslanov həbsdə olduğu müddətdə ağır döyülmələr və şifahi təhqirlər formasında dəfələrlə qəddar, həqarətli və qeyri-insani rəftara məruz qalmışdı. Müşahidə məntəqəsi xatırladır ki, Konvensiyanın 11-ci maddəsində işgəncələrə qarşı şərt qoyulub ki, “Hər bir iştirakçı dövlət yurisdiksiyasında olan ərazidə hər hansı formada həbs edilmiş, tutulmuş, yaxud azadlıqdan məhrum edilmiş şəxslərin dinlənilməsinə, həmçinin saxlanılma şərtlərinə və onlarla davranışa dair qaydaları, təlimatları, üsulları və praktikanı hansısa işgəncə hallarına yol verməmək üçün müntəzəm surətdə nəzərdən keçirir”.

Müşahidə məntəqəsi xatırladır ki, cənab Əmiraslanov 2010-cu ilin may ayında Kür çayının daşqını qurbanlarının hüquqlarını qorunmasının və korrupsiya, qeyri-effektivlik və onlara yardımın çatdırılmasında digər pozuntulara qarşı fəal müdafiəçilərdən olmuşdu.

Tələb olunan:

Zəhmət olmasa, Azərbaycan hakimiyyətinə yazın, onları vadar edin ki:

i. Bütün hallarda cənab Əmiraslanovun davamlı fiziki və psixoloji toxunulmazlığına zəmanət verin;

ii. Cənab Əmiraslanovun tələblərə cavab verən və hərtərəfli tibbi-sosial reabilitasiyasına təminat verin;

iii. Cənab Əmiraslanov və ümumiyyətlə Azərbaycan bütün hüquq müdafiəçilərinə qarşı təqibin istənilən formasına – o cümlədən məhkəmə səviyyəsində – son qoyun;

iv. Cənab Hilal Məmmədov və Anar Məmmədli də daxil olmaqla, hal-hazırda Azərbaycanda həbs edilən bütün insan hüquqları müdafiəçilərini dərhal və qeyd-şərtsiz azad edin, belə ki, onların həbsi əsassızdır, bu sadəcə onların hüquq müdafiəsi fəaliyyətlərinə şərait yaratmamaq məqsədi güdür;

v. 9 dekabr 1998-ci il Birləşmiş Millətlər Təşkilatının Baş Assambleyası tərəfindən qəbul edilən İnsan Hüquqları Müdafiəçiləri BMT Bəyannaməsinin müddəalarına, xüsusilə onun 1-ci maddəsinə uyğun olaraq, “hər kəsin fərdi qaydada və başqaları ilə birlikdə insan hüquqlarını və milli və beynəlxaq səviyyədə əsas azadlıqları qorumaq və həyata keçirmək üçün təşviq etmək və mübarizə aparmaq hüququ var.”, 12.2-ci maddədəki kimi “Hər bir dövlət hər kəsin, fərdi qaydada və ya başqaları ilə birlikdə, bu Bəyannamədə istinad edilən hüquqların legitim istifadəsi nəticəsində məruz qala biləcəyi zorakılıq, hədə-qorxu, de-fakto və de-yure ayrıseçkilik, təzyiq və digər qanunsuz əməllərdən səlahiyyətli qurumlar vasitəsi ilə müdafiəsini təmin etmək üçün bütün lazımi tədbirləri görür”.

vi. Bütün hallarda Azərbaycanın beynəlxalq insan hüquqları standartlarına və beynəlxalq normalara uyğun insan hüquqları və əsas azadlıqlara hörmət etməsini təmin edin.