Türkiyə Kubokuna "Elazığspor" bərabərliyi (1:1) ilə başlayan "Qalatasaray" Superliqada qış fasiləsinə kimi maksimum nəticə göstərməyə çalışacaq.

gundemxeber.az goal.az-a istinadən xəbər verir ki, rəhbərlik qarşıdakı 4 oyunda 12 xalı hədəfləyir. "Sarı qırmızılar"ı "Kasımpaşa", "Gaziantepspor", "Osmanlıspor" və "Alanyaspor"la oyunlar gözləyir. Xüsusilə Ankarada "Osmanlıspor"la qarşılaşmanın çətin olacağı indidən məlumdur. Komandanın baş məşqçisi Riekerink "Bursaspor"la matçda "Qalatasaray"ın oyunundan razı qalmış və bu tempdə davam etməyin vacibliyini vurğulamışdı. "Aslanlar" hazırda turnir cədvəlində 4-cü pillədə qərarlaşıb.