Həbsdə olan idmançımız Xocalı faciəsinin 11-ci ildönümündə “Vəhşi” ləqəbli ermənini məğlub edib, düşmən ölkənin bayrağını ayaqlar altına atdı

“Bu adam bir adamın 15 ilə edə bimədiyini bir saata etmişdir” – Bu sözləri 2002-ci ildə mərhum prezidentimiz Heydər Əliyev, əlini Azad Məmmədovun çiyninə qoyaraq demişdi. (Ermənin kürəyini dəfələrlə yerə vuran Azərbaycan idmançısı 8 ildir ki, həbsdə yatır…) BDU-nun beynəlxalq münasibətlər fakültəsinin həm bakalavr, həm də magistr təhsilini alan Azad Məmmədov, qaydasız döyüş üzrə Avropa çempionatının gümüş mükafatçısıdır. Sambo üzrə Beynəlxalq dərəcəli idman ustasıdır. O, Avstriya, Yuqoslaviya, Fransa, Braziliya, Yunanıstanda qaydasız döyüş üzrə ən güclü rəqiblərə qalib gələrək, Azərbaycan Bayrağını yüksəkliklərə qaldırmışdır. Lakin o, özünü heç zaman döyüşçü kimi saymayıb.



“Nə qədər ki, Vətənimin bir hissəsi erməni işğalçılarının əlindədir, nə qədər ki, qız gəlinlərimiz əsirlikdədir, mən özümü nəinki döyüşçü, heç vətəndaş belə hesab etmirəm” -deyirdi Azad Məmmədov. . Azad Məmmədovun ən maraqlı döyüşü 26 fevral 2003-cü il tarixdə RF-nın Moskva şəhərində baş tutur. “Xocalı soyqırımı” günü həmyerlimizin rəqibi erməni atleti Sergey Qravesyan olub. Döyüşdən əvvəl erməni lobbisi Azərbaycan diasporunun nümayəndələrinə təsir edib ki, uduzan tərəf öz ölkəsinin bayrağını təslim etsin. Əlbəttə, ermənilərin loğvalanmasına haqq qazandırmaq olardı. Çünki, Qravesyan həm boyda, həm də çəkidə Azad Məmmədovdan xeyli fərqli idi. Oravesyan erməni döyüşçülərinin içində “vəhşi” ləqəbli ilə də tanınırdı. Ancaq onu bilmirdilər ki, Qarabağ müharibəsinin iştirakçısı olan, odun-alovun içərisindən keçmiş Azad Məmmədova, məhz intiqam almaq üçün necə gözəl şans vermişdilər.



Döyüş başladıqdan 2-3 dəqiqə sonra Azad rəqibinin qolunu sındıraraq onu yerə çırpır. Erməni ilə döyüşdə qələbəyə görə bütün uğurlarını qurban verməyə hazır olan Azad Məmmədov, imic yarışında qalib gəlir və düşmənin bayrağını ayaqları altına salaraq, sanki bununla da Xocalının qisasını alır. Düşmənə bundan böyük zərbə ola bilməzdi. Həmin anlarda ermənilər nə qədər dil töksələr də, Azad bayrağı onlara vermir. Erməni tərəfi ona 120 min dollar pul, bir avtomobil təklif edib bayrağın geri qaytarılmasını istəsələr də, igid döyüşçümüz buna heç cür razı olmur. Çünki, Azad əsl türk cəngavəri, türk oğludur. -“Mən bir döyüşçü kimi yox, Azərbaycan xalqının əsgəri kimi öyünürəm. Uduzan əsgər kimi yox, qalib əsgər olmaq istəyirəm. Çox istərdim ki, Xankəndimə bayraq sancım və bu mənim ən böyük arzumdur. Mən üzümü xalqıma, cənab Prezidentimizə tutaraq deyirəm, bizə inanın, biz gənclərə şans verin, Vətənimizin qısasını düşməndən alaq. Biz gənclər bunu bacarırıq. Bəli, bu qaydasız döyüş üzrə Avropa çempionu olan Azad Məmmədovun, bir çox Avropa ölkələrində və Moskva şəhərində erməni rəqibinə qalib gəldikdən sonra, teleməkanda söylədiyi fikirlərdir. O, Azərbaycan adını, Vətən bayrağını daim yüksəkliklərə qaldırıb vətəninə qalib qayıtmış və xalqının sevimli gənci olaraq daim əzizlənmişdir. Xalq onu sevir və azadlığını da tələb edir. Azad kimi oğullar bu gün tək-tək yetişir. O, Mübarizlərimizin biri, bəlkə də birincisidir. Hər yerdə Vətən adını uca tutan belə igid döyüşçümüzün həbsdə yatması, məhz onu sevənlər və xalqımız üçün bağışlanmazdır. Öhdəsində qoca xəstə anası, üç körpəsi neçə illərdi ki, onun yolunu səbirsizliklə gözləyirlər. Ata nəvazişindən uzaq olan, onun yolunu hər an həsrətlə gözləyən üç igid balası nədən sınıq böyüsünlər. Buna kim haqq verib? Onu da deyək ki, igid döyüşçümüzə 10 il həbs verilib və o, bu günədək cəzasının 8 ilini çəkib. Məgər onun iki ili Azərbaycanımız üçün, doğma Vətənimiz üçün elədikırinə bağışlana bilməzmi?! Axı, bu şəxs cinayətkar deyil, sadəcə olaraq şərin və böhtanın qurbanıdır. Biz hesab edirik ki, belə igid ərənimizin haqqının müdafiəsinə qalxan olacaq və tezliklə Azad Məmmədov azadlığa da buraxılacaq.! Biz ölkə rəhbəri cənab İlham Əliyevə inanırıq. Ona görə ki, o, idmançıları sevir, hər birinə olduqca diqqət və qayğı da göstərir. Mərhum prezidentimiz Heydər Əliyev cəsur idmançı Azad Məmmədov haqqında “bu adam bir adamın 15 ilə edə bimədiyini bir saata etmişdir” deyə fikirini belə açıqlamışdı. Mərhum prezidentimizin vaxtilə dediyi belə bir açıqlama, yəqin ki, onun azadlığına açılan pəncərə olacaq!!!

Azad Məmmədovun Moskva şəhərində, Xocalı faciəsinin 11-ci ildönümündə “Vəhşi” ləqəbli ermənini məğlub edib, düşmən ölkənin bayrağını ayaqlar altına atdığı anların VİDEO-sunu oxucularımıza təqdim edirik.




Aslan
gundemxeber.az