"Bu gün Bakıda keçirilən bədii gimnastika üzrə Dünya Kubokunda Azərbaycan yığmasından uğurlu çıxış gözləyirəm".

gundemxeber.az bildirir ki, bunu Trend-ə Azərbaycan gimnastı Marina Durunda deyib.

M.Durunda hesab edir ki, bu il yığmamız çox güclüdür: "Onlar ötən gün ip və topla çıxışlarında bunu sübut etdilər. İlk gündə səhvlərə yol verdilər və çoxnövçülükdə medal qazana bilmədilər. Lakin düşünürəm ki, bu gün çox şey edə bilərlər".

Azərbaycanlı gənc gimnast Zöhrə Ağamirovaya gəlincə, M.Durunda onun çox yaxşı çıxış etdiyini bildirib:

"O mənim əvəzimə çıxış etdi. Düşünürəm ki, tapşırıqların öhdəsindən çox yaxşı gəldi. Zöhrə ilk dəfə Dünya Kubokunda çıxış edirdi və düzünü desəm, ona görə çox həyəcan keçirdim".

Jalə Piriveyanın çıxışına da toxunan gimnast qeyd edib ki, o, birinci gün səhvə yol versə də, ikinci gün özünü toparladı və yaxşı çıxış etdi.