Super Kubok uğrunda qarşılaşmada bəzi futbolçular meydana çıxmayacaq

“Fənərbağça”nın Türkiyə Kubokunun finalındakı qələbəsindən sonra Super Kubok uğrunda oyunda qarşılaşacaq klublar məlum oldu - “Qalatasaray” və “Fənərbağça”. Möhtəşəm derbi avqustun 11-də oynanacaq.
Lakin hər iki klub meydançaya itkilərlə çıxacan. 9 oyunluq cəza alan baş məşqçi Fatih Terim oyun zamanı “Qalatasaray”a rəhbərlik edə bilməyəcək. Bundan başqa, son derbidən sonra 4 oyunluq diskvalifikasiya olunan Sabri Sarıoğlu da növbəti derbidə olmayacaq.
“Fənərbağça”nın heyətində Volkan Demirel və Raul Meireles mövsümün son derbisində iştirak etməyəcək.