Bu gün Bakıda keçirilən qadın voleybolçular arasında Avropa çempionatına yekun vurulacaq.

gundemxeber.az apasport.az-a istinadən xəbər verir ki, turnirin son günündə yarışın qalibi və üçüncü yerin sahibi bəlli olacaq.

İlk olaraq bürünc medallar öz sahibini tapıb. Saat 16:00-da zala Azərbaycan və Türkiyə milliləri daxil olublar. Qitə birinciliyində yarımfinala yüksəlməklə tarixinin ən yaxşı nəticəsini yeniləyən Faiq Qarayevin yetirmələri növbəti rekorda imza ata bilməyib.

Belə ki, "ay-ulduzlular" üzərində əldə olunacaq mümkün qələbə yığmamızın tarixinə ilk medal kimi düşəcəkdi. Ancaq komandamız gözlənilənlərin əksinə çox zəif çıxış edib. Voleybolçularımız ilk setdə qalib gəlsə də, sonradan Türkiyə qarşısında duruş gətirə bilməyiblər. Xüsusilə 3 və 4-cü setdə imkanlarının çox aşağısında oynayan Faiq Qarayevin yetirmələri yekunda meydanı başıaşağı tərk ediblər.

Finalda isə Hollandiya və Serbiya kimin ən güclü olduğunu aydınlaşdıracaqlar. Formasının zirvəsində olan hər iki komanda qızı medal uğrunda amansız mübarizə aparacaqlar.

Avro - 2017

1 oktyabr

Bürünc medal uğrunda oyun

Azərbaycan - Türkiyə - 1:3 (25:22, 21:25, 14:25, 8:25)

Hakimlər: Vladimir Simonoviç (Serbiya), Daniele Rapisarda (İtaliya)

Azərbaycan: 1. Ceyran Əliyeva, 2. Kseniya Poznyak, 5. Odina Bayramova, 6. Ayşən Abduləzimova, 7. Olena Həsənova, 8. Yelizaveta Səmədova, 9. Natalya Məmmədova, 10. Yana Kulan, 11. Yekaterina Jidkova, 12. Valeriya Məmmədova, 14. Kristina Yaqubova, 15. Aynur Kərimova, 17. Polina Rəhimova, 18. Şəfaqət Həbibova

Baş məşqçi: Faiq Qarayev

Final

19:00. Hollandiya - Serbiya

Hakimlər: Yura Mokri (Slovakiya), Eldar Zülfüqarov (Azərbaycan)