Braziliyada Cənubi Amerika kubokunun final oyunu keçirilib. Finalda Argentinanın "Tiqre" klubu yerli "Sao Paulo"nun qonağı olub. Oyunun ilk hissəsini 2-0 hesabı ilə məğlub bitirərək soyunma otağına yola düşən "Tiqre"nin futbolçuları ikinci hissəyə çıxmaqdan imtina ediblər. Nəticədə braziliyalılar Cənubi Amerika kubokuna yiyələniblər.

Argentinalıların baş məşqçisi Nestor Gorosito bildirib ki, uduzmaq üçün fasilə zamanı Braziliya polisi və təhlükəsizlik xidmətinin əməkdaşları futbolçuları döyüb və onlara silah tuşlayaraq ölümlə hədələyib.

Braziliya klubunun oyunçuları və təmsilçiləri argentinalıları dava-dalaş etməyə cəhd göstərməkdə ittiham ediblər.