Türkiyə millisi 2014-cü il Dünya çempionatının seçmə mərhələsində növbəti qələbəsini qazanıb. Musavat.com-un məlumatına görə, qardaş ölkə yığması səfərdə Estoniya millisi ilə qarşılaşıb. Bu oyunda Türkiyə millisi mütləq qələbə qazanmalı idi. Fatih Terimin yetirmələri bu vəzifənin öhdəsindən layiqincə gəliblər və qarşılaşma türklərin 0:2 hesablı qələbəsi ilə başa çatıb. Türkiyə yığmasının qollarını Mehmet Bulut və Burak Yılmaz vurublar.