İran kəşfiyyatı Azərbaycanda necə yerləşir?

Redaksiyamızın poçt ünvanına İranda təhsil alan tələbələrin adından məktub daxil olub. Həmin məktubda müəllif bir sıra ciddi məqamlara toxunmaqla yanaşı, həm də İranın Azərbaycanı fars əsarətinə almaq niyyətindən də bəhs olunur. Bizə ünvanlanan həmin məktubu bəzi xırda düzəlişlər edərək sizə təqdim edirik:
“Biz İranda təhsil alan tələbələr istəyirik ki, Fars rejiminin burdakı Türklərin və burda oxuyan azərbaycanlı tələbələrin başına açdıqları oyunları sizin vasitənizlə xalqımıza çatdıraq. Xahiş edirik ki, göndərdiyimiz yazıları saytınızda dərc edəsiniz.
Başıbəlalı Azərbaycan xalqı müstəqillik əldə etdikdən sonra elə düşünürdü ki, bu xalqın müstəqilliyinə nail olduğu üçün bir çox dünya ölkələri sevinəcək. 70 il əsarət altında qaldığı dövrlədə Azərbaycanın müsətəqil olmasına müxtəlif xarici qüvvələrin çalışdığı haqda dünya mediasında məlumatlar verilirdi. Lakin müstəqillikdən sonra məlum oldu ki, bu qüvvələr xaqlın müstəqilliyi üçün deyil sovetlərin zəifləməsi və sonda süqutu üçün çalışırmışlar. Onlar üçün Azərbaycanın müstəqil olub olmaması o qədər də maraqlı deyilmiş. Onların bu fkirdə olması özünü müstəqillikdən sonra açıq aşkar biruzə verdi. Azərbaycan müsətəqillik əldə etdikən dərhal sonra ölkəyə elə məhz qonşu dövlətlərdən missionerlərin axını başladı. Qonşu İran öz agenturasını din xadimləri cildində ölkə ərazisinə transfer etməklə dövrün gənclərini guya İslama dəvət edirlərmiş kimi dolayı yollarla Xomeyni İnqilabının reklamına və gələcəkdə Azərbaycanda da belə bir inqilabın reallaşdırmasını planlaşdırırdı. Ölkə ərazisində mövhumatçı dindarların bir tavan altına salmaqla onlara ilk növbədə fars dili ilə qarışılmış türkcədə moizələr oxuyur, hətta namaz ibadətindən sonra fars dilində dualar səsləndirərək bu dilin müqəddəsləşdirilməsinə nail olmağa çalışdılar. Elə hal-hazırda da İranın Qum, Məşhəd, Qəzvin şəhərlərində təhsil alan biz azərbaycanlı tələbələrə Ərəb dilindən daha çox Fars dili tədris olunmaqla bu dilin müqəddəs olduğu bildirilir. Maddi sahədə çətinlik çəkən gəncləri guya İslamın ali dərəcəsinə çatmaq üçün İranın müxtəlif şəhərlərindəki mədrəsələrə yerləşdirmək məqəsədi ilə saxta sənədlər düzəltməyə qədər yardım etmişdilər. O dövrdən 20 ilə yaxın bir dövr keçməsinə baxmayaraq həmin gənclərin əksəriyyəti İranda təhsil aldıqdan sonra müxtəlif vəzifələrə təyin olunub, İran siyasətinin təbliğatçıları rolunu oynamaqdadırlar.
İran siyasətinin Azərbaycanda təbliğ olunması məsələsi İrandan hələ o dövrlərdə gələn missioner Ocaq Nejad adlı şəxsə tapşırılıb. Bu şəxs İranın Azərbaycandakı Mədəniyyət Mərkəzinin himayəsində olan “Hüseyniyyə” adlı məsciddə ətrafına xeyli sayda azərbaycanlı toplayaraq onlara dini moizələrlə yanaşı İslam İnqilabının tarixindən danışır, bununla yanaşı İslam dünyasında mövcud olan təriqətlərin ayrı seçkiliyindən təbliğatlar aparmaqdadır.
Əldə etdiyimiz informasiyalara görə Ocaq Nejad adlı bu şəxs ona İranda təhsil almış və vətənə dönmüş Azərbaycan vətəndaşları olan gənclərə hər ay İranın Ali dini rəhbəri Xamneyi tərəfindən ayırılmış maddi vəsaitlə də təmin etməkdədir. Əlbəttə ki, bu qədər gəncin maliyyələşdirilməsi məsələsi özü özülüyündə baş vermir. Çünki İranın qarşılıqsız maliyyə yardımı etməsi şübhə doğurmaya bilməz. Əgər İran hər hansı bir maliyyə yardımı etmək niyyətindədirsə, bəs bunu nə üçün rəsmi surətdə açıq –aşkar Azərbaycan dövlətinin də xəbəri olmaqla həyata keçirmir?
Bundan əlavə, Qumda təhsil alan tələbələrə Azərbaycanın İrandakı səfirliyi ilə hər hansı bir əlaqələrin saxlanılması və ya prezident seçkiləri zamanı səfirlik vasitəsi ilə səsvermə prosseslərində iştirak etməyə imkan verilmir. Buna can atan tələbələr arzuolunmaz tələbələr hesab edilərək tez bir zamanda uzaqlaşdırılırlar.”