İŞİD terror təşkilatı Suriyanın Türkiyə ilə həmsərhəd olan Kobani şəhərində müsibət törətməkdə davam edir.
Bugun.az xəbər verir ki, ANS PRESS-in məlumatına görə, terrorçular şəhərlərdə gəzərək dinc əhaliyə divan tutur.
Terrorçular evlərə girir, qadınları və qızları zorlayır. Kişilərə isə müxtəlif əzablar verərək öldürür.
İŞİD üzvləri evlərdən birinə giriblər. Onlar ailənin kişisini və onun həyat yoldaşını öldürüblər. Evin kiçik oğlu qaçaraq gizlənib. Lakin o, terrorçuların böyük bacısını necə zorladıqlarını gözlərilə görüb. Terrorçular qızı kütləvi şəkildə zorlayıblar. Qız terrorçuların əlində canını tapşırıb.
Qorxudan səsini çıxara bilməyən oğlan gördüklərini heç zaman unutmayacağını deyib.
Hazırda İŞİD terrorçuları şəhərdə dəhşətli qətliam törətməkdə davam edir.