“2013-cü ildə Gürcüstanla Azərbaycanın münasibətləri gərginləşə bilər”

Amerikanın analitik mərkəzi “Stratfor” 2013-cü ilə olan geosiyasi proqnozlarını açıqlayıb. Həmin təhlillərdə “Keçmiç Sovet İttifaqı” adlı paraqraf xüsusi maraq kəsb edir. Bu analitik təhlillərin müəllifləri hesab edirlər ki, Rusiyanın 2013-cü ildə Qafqazda əsas problemi Gürcüstanla olacaq.
“Rusiyanı sevməyən prezident Mixail Saakaşvilidən fərqli olaraq, Gürcüstanda hakimiyyətə gələn milyonçu Bidzina İvanişvili və onun “Gürcü arzusu” adlı partiyası Rusiyanın bu ölkədəki təsirini daha da artırıb. Oktyabrda keçiriləcək prezident seçkiləri və konsitutsiyada dəyişikliklərin baş verməsi 2013-cü ildə İvanişviliyə hakimiyyəti əlində cəmləməyə imkan verəcək”, – deyə məqalədə yazılıb.
Stratfor hesab edir ki, Tiflisin artıq xarici siyasi kompası Qərb və NATO-nu göstərmir. Əksinə, Rusiya ilə münasibətləri getdikcə normallaşır. Məqalə müəllifləri düşünür ki, bu şəkildə Gürcüstan riskə gedir. O, heç də xoşagəlməyən vəziyyətə düşə bilər. Çünki yeni siyasi reallıq regionun digər oyunçu dövlətləri, məsələn, Rusiyanın artan təsirindən narahat olan Azərbaycanla münasibətlərin gərginləşməsinə gətirib çıxara bilər.
Geotəhlil zamanı analitiklər İran müharibəsinə də toxunublar. Onlar hesab edir ki, 2013-cü ildə ABŞ-la İran arasında hərbi münaqişə baş verməyəcək. “İran Suriya, Livan, Qəzza sektoru və Əfqanıstada ixtilaflar yarada bilər. Amma İranın siyasi təsiri o dərəcədə deyil ki, Vaşinqton hərbi üsullarla təcili nəsə etmək qərarına gəlsin. Bundansa, ABŞ iqtisadi sanksiyalar tətbiq etmək və İranın Livan və Suriyada öz işində olmasına imkan verəcək: hər şey öz axarında olacaq və İranın əl-qolu da bağlı olacaq. Vaşinqton İranın güzəştlərinə getməyə lüzum görməyəcək”, – deyə məqalədə bildirilir.
“Siyasət şöbəsi”