usiya ilə Qazaxıstan qarşılıqlı şəkildə bir sıra malların idxalına qadağa qoyublar və bu məsələnin sırf sanitar problemlərlə bağlı olduğunu açıqlayıblar.

ANS PRESS xəbər verir ki, rəsmi Astana Rusiyanın Həştərxan regionundan quş ətinin idxalını dayandırıb. Buna səbəb kimi orda quş qripi - H5N1 virusunun yayılması göstərilir.

Qazaxıstanın Kənd Təsərrüfatı Nazirliyi bildirib ki, qadağa aprelin 28-dən tətbiq edilib. Ötən həftə Rusiyadan kərə yağı, şokolad, konfet və mayanez idxalını da müvəqqəti dayandırıb.

Rusiya isə Qazaıstandan 20 ton buğda ununun idxalını, bundan əvvəl isə ölkəyə süd məhsullarının gətirilməsinə qadağa qoyub.

Ekspertlər bu addımı Avrasiya İqtisadi İttifaqının (Aİİ) baniləri olan iki ölkə arasında ticarət müharibəsi kimi qiymətləndiriblər.