Əyyub Kərimov: “Güc orqanları bu məsələdə nəsə edə bilməzdi, çünki...”

Son vaxtlar Azərbaycanda Gülənçilərə qarşı mübarizə çərçivəsində bir sıra addımların atıldığı müşahidə edilir. Mediada yer alan məlumatları ciddiyə alsaq, o zaman yaxın gələcəkdə bu istiqamətdə daha mühüm addımların atılacağını iddia etmək olar.
Maraqlıdır, FETÖ Azərbaycanda həqiqətən də bunca dərindən kök salıbsa, universitetlərə, komitə və nazirliklərə, parlamentə və s. yol tapıbsa, o zaman ölkənin əlaqədar hüquq-mühafizə orqanları niyə zamanında bu təhlükəni önləməyib? Güc orqanlarının FETÖ-nü görməsinə, neytrallaşdırmasına nə mane olub?
Məsələ ilə bağlı tanınmış hüquqşünas Əyyub Kərimov hüquq-mühafizə orqanlarının bu istiqamətdə hansısa addımlar atması üçün öncə siyasi hakimiyətin buna
razılıq verməsi gərkl
iyini vurğuladı:
“Ərdoğan özü etiraf etdi ki, vaxtiylə Fətullah Gülənlə bir yerdə olublar və sonradan yolları ayrılıb. Nə qədər ki, Gülənlə problem yox idi, Gülənçilər də hakimiyyətin müxtəlif qollarında rahat təmsil olunurdu. O zaman ki, Ərdoğanla Gülən arasında siyasi düşmənçilik başladı, vəziyyət də dəyişdi.
Hüquq-mühafizə orqanları bu vaxta qədər heç nə edə bilməzdi. Çünki Gülən dünənə qədər terrorçu hesab edilmirdi. Əksinə, hamı onunla oturub-durmağa can atırdı. Azərbaycan və Türkiyə arasındakı dostluq-qardaşlıq münasibəti ölkə daxilində Gülənçilərə qarşı hansısa addımlar atmağa imkan vermirdi.
Ərdoğanın Gülənlə problem yaşamadığı dönəmlərdə hüquq-mühafizə orqanları Gülənçilərə qarşı hər hansı addım ata bilməzdi. Çünki bunun üçün öncə siyasi hakimiyyətin razılığı lazım idi. Hüquq-mühafizə orqanları siyasi hakimiyyət üzərində söz sahibi deyil. Onlar siyasi hakimiyyətin əlində olan cəza sistemləridir. Əgər siyasi hakimiyyət Gülən şəbəkəsinin Azərbaycanda fəaliyyətinə imkan yaradıbsa, hüquq-mühafizə orqanları bunun əleyhinə gedə bilməzdi. Ona görə də hesab edirəm ki, bu məsələdə hüquq-mühafizə orqanlarını ittiham etmək o qədər də doğru deyil”.

Seymur Əliyev