Rusiyanın Moskva vilayətindəki Ramenskoye rayonunda polis oğurluqda şübhəli bilinən şəxsləri tutub.

Milli.Az 360-a istinadən bildirir ki, tutulmuş 3 şəxs Bıkovo qəsəbəsindəki villaya girərək oradan noutbuk, planşet, fotoaparat və çixuaxua cinsindən olan 4 küçük oğurlayıb. Oğurluğun ümumi məbləği 520 min rubldur.

M24 xəbər verir ki, tutulan şəxslər Özbəkistan vətəndaşları olan transseksuallardır.

20-35 yaşlarında olan bu özbəklər Moskvadakı gey-klublardan birində fahişəliklə məşğuldurlar.

Onlara qarşı cinayət işi qaldırılıb, istintaq gedir.

Tutulan transseksuallardan biri, əsl adı və soyadı Şuxrat Mirkamalov olan "Şeyla" deyib: "O villaya pasportlarımızı götürmək üçün girdik. Çünki villanın sahibinin bizə borcu vardı. Dedik ki, fotoaparatı və noutbuku götürək, Moskvada sataq, sonra Özbəkistana qayıdaq. Qayıtmazdan əvvəl sinələrimizi də kəsib götürtmək istəyirdik".

20 yaşlı "Milana", yəni Mahmud Urazbayev isə deyib: "Bizi bura çağıranda tikintidə iş təklif etmişdilər. Amma buraya gəldik, aldandığımızı anladıq. Bizi əməliyyata məruz qoydular, qadın sinəsini "pərçimlədilər" və fahişəliyə vadar etdilər. Mən sinəmdən qurtuldum, amma dostlarım bunu edə bilmədilər".