Çində bu gün SPA salonda baş verən yanğın nəticəsində ən azı 18 nəfər ölüb, 2 nəfər xəsarət alıb.

APA-nın məlumatına görə, bu barədə Çin Mərkəzi Televiziyası məlumat yayıb.

Hadisə bu gün yerli vaxtla saat 16.00 (Bakı vaxtı ilə saat 12.00) radələrində Çjentszyan əyalətinin Tyantay rayonunda baş verib. Bəzi insanlar yanğından xilas olmaq üçün pəncərədən atılıblar. Hazırda hadisə yerində xilasedicilər çalışır.